12 Уруок

Олоххо уонна хааҥҥа убаастабыл

Биһиги олоххо хайдах сыһыаннаһыахпытын нааданый? (1) оҕо түһэртэриитигэр? (1)

Христианнар оһолтон хайдах сэрэхтээх буола сатыылларый? (2)

Кыыллары өлөртүүр көҥүллэнэр дуо? (3)

Олоҕу убаастаабаты ханнык кэмэлдьилэр көрдөрөллөрүй? (4)

Таҥара сокуона хаан туһунан туох диирий? (5)

Бу сокуон хаан куттарыытыгар сыһыаннаах дуо? (6)

1. Иегова — олоҕу Үөскэтээччи. Туох баар тыынар тыыннаах олоҕо Таҥараттан буолар (Псалом 35:10). Олох Таҥара хараҕар ытыктабыллаах. Иегова оннооҕор саҥа үөскээн эрэр, төрүү илик оҕо олоҕун сыаналыыр. Ийэтин иһигэр саҥа сайдан эрэр оҕону соруйан өлөрүү — Таҥара хараҕар улахан аньыы буолар (Исход 21:22, 23; Псалом 127:3).

2. Дьиҥнээх христианнар оһолтон сэрэхтээх буола сатыыллар. Кинилэр массыыналара айанныырга, оттон дьиэлэрэ олорорго кутталы үөскэппэт буоларыгар кыһаллаллар (Второзаконие 22:8). Таҥара сулууспалааччылара дуоһуйууну эбэтэр астыныыны ылар эрэ инниттэн, бэйэлэрин олохторугар кутталы үөскэппэттэр. Ол иһин кинилэр күүһүлээһиннээх, дьоҥҥо соруйан эчэтиини таһаарар спорт көрүҥнэринэн дьарыктамматтар. Кинилэр күүһүлээһиҥҥэ көҕүлүүр аралдьыйыылартан тумналлар (Псалом 11:5; Иоанн 13:35).

3. Айааччы иннигэр тыыннаах харамайдар олохторо эмиэ ытыктанар. Христианнар бэйэлэрин аһынан уонна таҥаһынан хааччыйаары,  ону таһынан ыарыылары уонна кутталы эрдэттэн тохтотоору тыыннаах харамайдары өлөрүөхтэрин сөп (Бытие 3:21; 9:3; Исход 21:28). Ол гынан баран тыыннаах харамайдарга куһаҕаннык сыһыаннаһар уонна кинилэри көрүлээн эбэтэр күрэхтэһэн өлөрөр сыыһа (Притчи 12:10).

4. Христианнар табахтыа суохтаахтар уонна дуоһуйууну ылар баҕаттан наркотигы туттуо суохтаахтар. Итинник кэмэлдьилэр куһаҕаны аҕалаллар, тоҕо диэтэххэ 1) кулут оҥороллор, 2) эккэ-хааҥҥа буортулаахтар уонна 3) кирдээхтэр (Римляннарга 6:19; 12:1; 2 Коринфяннарга 7:1). Маннык кэмэлдьилэртэн босхолонор олус ыарахан буолар. Ол эрээри Иегова санаатын табар инниттэн, ону хайаан да ситиһиэххэ наада.

5. Таҥара хааны эмиэ ытыктабыллаахтык көрөр. Таҥара дууһаны, эбэтэр олоҕу — хааҥҥа баар диэн этэр. Хааны аһылыкка туттар сыыһа. Уонна хаана ситэ тоҕуллубатах кыыл эбэтэр сүөһү этин сиир эмиэ сыыһа. Өскөтүн кыыл туһахха эбэтэр хапкааҥҥа өлбүт буоллаҕына, кинини сиир көҥүллэммэт. Оттон өскөтүн кыыл үҥүүннэн эбэтэр сааннан ытыллан өлбүт буоллаҕына, хаана түргэнник сүүрдүллүөхтээх. Оччоҕо эрэ кинини сиэххэ сөп (Бытие 9:3, 4; Левит 17:13, 14; Апостоллар 15:28, 29).

6. Ама хаан куттарар көҥүллэммэт үһү дуо? Өйдөө: Иегова биһиги хаантан туттунарбытын ирдиир. Ол аата биһиги атын дьон хаанын бэйэбит эппитигэр ханнык да көрүҥүнэн киллэриэ суохтаахпыт, уонна оннооҕор бэйэбититтэн ылыллан баран ханна эрэ харыйылла сыппыты (Апостоллар 21:25). Ол иһин дьиҥнээх христианнар хаан куттарааһыныттан аккаастаналлар. Кинилэр атыннык эмтэнэргэ сөбүлэһэллэр, холобур хаана суох препараттары куттарааһыҥҥа. Христианнар олоруохтарын баҕараллар, ол гынан баран Таҥара сокуонун кэһэн туран бэйэлэрин олохторун быыһыы сатаабаттар (Матфей 16:25).

[Иллюстрации, страница 25]

Таҥара санаатын табар инниттэн, биһиги хаан куттарыытыттан, кирдээх кэмэлдьилэртэн уонна кутталлаах түгэннэри тумнуохтаахпыт.