4 Уруок

Сатана диэн кимий?

Сатана Адьарай хайдах баар буолбутай? (1, 2)

Сатана дьоннору хайдах албынныырый? (3—7)

Биһиги Адьарайга тоҕо утарылаһыахтаахпытый? (7)

1. Таҥара сүрүн өстөөҕө Адьарай, кини өһүөннээх сымыйаччы буолар. Кини өссө сатана диэн ааттанар, ол аат суолтата «өстөөх» эбэтэр «утарсааччы». Бастаан кини эҥкилэ суох аанньал этэ уонна Таҥараны кытта халлааҥҥа олорбута. Ол гынан баран кэлин бэйэтин туһунан олус элбэҕи санаммыт уонна Таҥараҕа аналлаах сүгүрүйүүнү бэйэтигэр баҕарбыт (Матфей 4:8—10).

2. Ол аанньал, Сатана, эриэн үөн нөҥүө Еваны кытта кэпсэппит. Кини сымыйаны этэн, Ева Таҥараны истибэт буоларыгар кучуйбута. Сатана оннук гынан Таҥара «улуу баһылыктааһынын», эбэтэр кини Саамай үрдүк балаһыанньатын өһүөннээх критикэҕэ киллэрбитэ. Сатана маннык боппуруоһу көтөхпүтэ: Таҥара сөпкө баһылыктыыр дуо уонна бэйэтин сулууспалааччылара тугу баҕаралларын кытта аахсар дуо? Сатана өссө биири саарбаҕалааһыҥҥа уурбута: саатар биир эмэ киһи ТаҥараҔа бэриниилээх хаалыа дуо? Сатана ити курдук быһыыланан, Таҥара өстөөҕө буолбута. Ол иһин кини Сатана Адьарай диэн ааттаммыта (Бытие 3:1—5; Иов 1:8—11; Арыллыы 12:9).

3. Сатана дьону албыннаан, бэйэтигэр сүгүрүйүүнү ыла сатыыр (2 Коринфяннарга 11:3, 14). Кини дьону албынныыр ньымаларыттан биирэ — сымыйа итэҕэл. Өскөтүн итэҕэл Таҥара туһунан сымыйаны үөрэтэр буоллаҕына, кини Сатана сыалын толорор (Иоанн 8:44). Сымыйа итэҕэли тутуһааччылар, ис сүрэхтэриттэн дьиҥнээх Таҥараҕа сүгүрүйэбит диэн саныахтарын сөп. Ол гынан баран дьиҥнээҕинэн, кинилэр Сатанааҕа сулууспалыыллар. Кини «бу үйэ таҥарата» буолар (2 Коринфяннарга 4:4).

4. Сатана дьону бэйэтин былааһыгар бас бэриннэрэр өссө биир ньымалаах. Дьоннор бэйэлэрин харыстаары, атын дьоҥҥо хорумньуну таһаараары, инникини билгэлээри уонна дьиктилэри оҥороору көстүбэт тыыннары ыҥыраллар. Итини барытын куһаҕан күүс Сатана оҥотторор. Таҥара санаатын табар баҕаттан, биһиги ити дьарыктарга туох да кыттыгаһа суох буолуохтаахпыт (Второзаконие 18:10—12; Апостоллар 19:18, 19).

5. Ол үрдүнэн Сатана дьону албынныырыгар, кинилэр бэйэ омугунан үрдүктүк туттууларын көҕүтэр уонна кинилэри политическай организацияларга сүгүрүйэргэ күһэйэр. Сорох дьоннор бэйэлэрин омуктарын эбэтэр расаларын  атыннардааҕар ордук дии саныыллар. Ол эрээри ити кырдьык буолбатах (Апостоллар 10:34, 35). Ону таһынан дьон кыһалҕаларын политическай организациялар суох оҥоруохтара диэн санаа баар. Ону итэҕэйэр дьоннор Таҥара Саарыстыбатын ылымматтар. Ол гынан баран дьон кыһалҕатын Таҥара эрэ Саарыстыбата быһаарыаҕа (Даниил 2:44).

6. Сатана дьону албынныыр өссө биир ньыматынан — аньыылаах баҕалары туһаныы буолар. Иегова, аньыылаах кэмэлдьилэр уонна быһыылар буортулаахтарын билэр буолан, онтон тумна сылдьарга соруйар (Галаттарга 6:7, 8). Аньыыга умсугуйбут сорох дьоннор, эн эмиэ кинилэр курдук быһыыланан, кинилэргэ холбоһоргор баҕараллара буолуо. Ол гынан баран өйдөө, ону дьиҥнээҕинэн эйигиттэн Сатана баҕарар (1 Коринфяннарга 6:9, 10; 15:33).

7. Сатана эйигин Иеговаттан тэйитээри, сойуолааһыны уонна утарылаһыыны туһаныан сөп. Эн Библияны үөрэтэриҥ иһин, чугас дьоҥҥуттан ким эмэ эйиэхэ олус кыыһырыан сөп. Атыттар эйигин күлүү гыныахтарын сөп. Ол эрээри олоҕуҥ иһин, эн кимиэхэ махтаныахтааххыный? Эн Иегова туһунан билиини ыларгын тохтотоору, Сатана эйигин куттуон баҕарар. Сатана баһыйарын көҥүллээмэ! (Матфей 10:34—39; 1 Петр 5:8, 9). Адьарайга утарылаһан эн Иегованы үөрдүөҥ уонна эн Кини баһылыгын өттүгэр буоларгын көрдөрүөҥ (Притчи 27:11).

[Иллюстрации, страница 9]

Сымыйа итэҕэл, көстүбэт тыыннары кытта сибээстэһии уонна бэйэ омугун үрдүктүк туттуу дьону бутуйаллар.

[Иллюстрация, страница 9]

Иегова туһунан тохтообокко билии ылаҥҥын Сатанаҕа утарылас.