16 Уруок

Таҥараҕа сулууспалыырга быһаарыныы

Таҥара доҕоро буоларга, тугу гыныахха нааданый? (1, 2)

Таҥараҕа олоҕу хайдах аныахха сөбүй? (1)

Эн хаһан сүрэхтэниэххин сөбүй? (2)

Таҥараҕа эрэллээх хааларга, хантан күүс ылыахха сөбүй? (3)

1. Таҥара доҕоро буоларга, эн Библияны үчүгэйдик билиэхтээххин (1 Тимофейга 2:3, 4), тугу билбиккин итэҕэйиэхтээххин (Еврейдэргэ 11:6), аньыыгын билинэн кэмсиниэхтээххин (Апостоллар 17:30, 31) уонна олоҕуҥ суолун уларытыахтааххын (Апостоллар 3:19). Ол кэнниттэн Таҥараҕа тапталыҥ эйигин олоххун Таҥараҕа аныыргар көҕүтүөхтээх. Ол аата эн Таҥараҕа үҥэҥҥин, кини көҥүлүн толорорго бэйэбин биэрэбин диэн этэҕин (Матфей 16:24; 22:37).

2. Таҥараҕа олоххун анаан баран, эн сүрэхтэниэх тустааххын (Матфей 28:19, 20). Сүрэхтэнэҥҥин эн олоххун Иеговаҕа анаабыккын барыларыгар биллэрэҕин. Ол иһин Таҥараҕа сулууспалыырга быһаарынар кыахтаах, ситэ улааппыт эрэ дьоннор сүрэхтэниэхтэрин сөп. Сүрэхтэнии саҕана, киһи бүтүннүү ууга тимирэн тахсыахтаах * (Марк 1:9, 10; Апостоллар 8:36).

3. Эн олоххун Иеговаҕа анаабытыҥ кэннэ, кини эйигиттэн эрэннэрбит тылгын кэспэккэ олороргун күүтэр (Псалом 50:14; Экклезиаст 5:3, 4). Эн Иеговаҕа сулууспалыыргын Адьарай тохтото сатыаҕа (1 Петр 5:8). Ол гынан баран үҥэҥҥин Таҥараҕа чугаһаа (Филиппиецтарга 4:6, 7). Кини Тылын күн аайы үөрэт (Псалом 1:1—3). Түмсүүнү кытаанахтык тутус (Еврейдэргэ 13:17). Ити курдук быһыыланаҥҥын, Таҥараҕа эрэллээх хааларга күүс ылыаҕыҥ. Оннук эн үйэлэр тухары, Таҥара эйигиттэн тугу ирдиирин толорор кыахтаныаҥ!

[Сноска]