6 Уруок

Таҥара Саарыстыбата диэн тугуй?

Таҥара Саарыстыбата ханна баарый? (1)

Кини Ыраахтааҕыта кимий? (2)

Ыраахтааҕыны кытта ким эмэ өссө салайар дуо? Өскөтүн баар буоллахтарына, кинилэр хастарый? (3)

Биһиги бүтэһик күннэргэ олорорбут хантан көстөрүй? (4)

Таҥара Саарыстыбата киһи-аймах туһугар кэлэр өттүгэр тугу оҥоруоҕай? (5—7)

1. Иисус сиргэ баар эрдэҕинэ, бэйэтин батыһааччыларын Таҥара Саарыстыбата кэлэрин туһунан үҥэргэ үөрэппитэ. Саарыстыба — бу ыраахтааҕы салайааччылаах салалта. Таҥара Саарыстыбата — уһулуччу салалта буолар. Кини халлааҥҥа олохтоммута уонна сир үрдүнэн салайыаҕа. Саарыстыба Таҥара аатын аатырдыаҕа. Кини Таҥара көҥүлэ халлааҥҥа эрэ буолбакка, сиргэ эмиэ туоларын ситиһиэҕэ (Матфей 6:9, 10).

2. Саарыстыба Ыраахтааҕытынан Иисус буолуо диэн Таҥара эрэннэрбитэ (Лука 1:30—33). Иисус сиргэ олоро сылдьан үтүө майгылаах, кырдьык быһыылаах уонна итэҕэһэ суох Салайааччы буоларын көрдөрбүтэ. Иисус халлааҥҥа төннөөт, Таҥара Саарыстыбатын Ыраахтааҕытынан сонно тута буолбатаҕа (Еврейдэргэ 10:12, 13). Иегова Иисуска эрэннэрбит былааһын 1914 сыллаахха биэрбитэ. Иисус ити кэмтэн ыла, халлааҥҥа баар Иегова анаабыт Ыраахтааҕытынан буолбута (Даниил 7:13, 14).

3. Ону таһынан, Иегова сорох эрэллээх эр дьону уонна дьахталлары, сиртэн халлааҥҥа тахсалларыгар талбыта. Кинилэр ыраахтааҕыларынан, судьуйаларынан, Таҥара үлэһиттэринэн буолуохтара уонна Иисуһу кытта бииргэ киһи-аймаҕы салайыахтара (Лука 22:28—30; Арыллыы 5:9, 10). Иисус, кини Саарыстыбатын састаабыгар киирэр бэйэтин көмөлөһөөччүлэрин, «кыра үөр» диэн ааттаабыта. Кинилэр ахсааннара — 144 000 (Лука 12:32; Арыллыы 14:1—3).

4. Иисус Ыраахтааҕы буолан баран халлаантан Сатананы уонна кини куһаҕан аанньалларын сиргэ үүрбүтэ. Ол иһин 1914 сыллаахтан сиргэ баар балаһыанньа олус куһаҕан буолбута (Арыллыы 12:9, 12). Сэриилэр, аччыктааһын, сыстыганнаах ыарыылар, суута-сокуона суох быһыыланыы элбээһинэ — бу барыта Иисус салайан  саҕалаабытын уонна бу аан дойду бүтэрэ чугаһаабытын көрдөрөр «бэлиэ» сорох өттө буолар (Матфей 24:3, 7, 8, 12; Лука 21:10, 11; 2 Тимофейга 3:1—5).

5. Сотору Иисус, бостуук барааннары козёллартан араарарын курдук, дьону араартаан сууттуоҕа. «Барааннарынан», кини салайыытыгар бас бэриниилээхтэр буолуохтара. Кинилэр сиргэ үйэлэр тухары олоруохтара. «Козёлларынан», Таҥара Саарыстыбатын ылымматтар буолуохтара (Матфей 25:31—34, 46). Сотору кэминэн Иисус козёлларга тэҥнээх дьону барыларын суох оҥортуо (2 Фессалоникиецтарга 1:6—9). Өскөтүн эн Иисус «барааннарыгар» киириэххин баҕарар буоллаххына, эн Саарыстыба туһунан сураҕы истиэххин наада уонна тугу билбиккин олоххор туттуохтааххын (Матфей 24:14).

6. Билигин сир үгүс элбэх дойдуларга арахсан турар. Хас биирдии дойду бэйэтэ туһунан салалталаах. Норуоттар бэйэ-бэйэлэрин утары сотору-сотору сэриилэһэллэр. Ол гынан баран дьон салалтатын оннугар Таҥара Саарыстыбата кэлиэҕэ. Бу, сир үрдүнэн барытынан салайыахтаах соҕотох салалта буолар (Даниил 2:44). Ол саҕана аны сэриилэр, буруйу оҥоруулар уонна күүһүлээһиннэр суох буолуохтара. Дьоннор бары биир сомоҕо буолан, эйэлээхтик олоруохтара (Михей 4:3, 4).

7. Иисус тыһыынча сыл устата салайар кэмигэр бэриниилээх дьон эҥкилэ суох буолуохтара, оттон сир ырайга кубулуйуо. Иисус Тыһыынча сыл бүтүүтүгэр, Таҥара киниттэн тугу көрдөспүтүн барытын толоруоҕа. Ол кэнниттэн кини Саарыстыбаны Аҕатыгар төттөрү биэриэҕэ (1 Коринфяннарга 15:24). Ама эн бэйэҥ доҕотторгор уонна чугас дьоҥҥор Таҥара Саарыстыбата тугу оҥоруохтааҕын туһунан кэпсиэххин баҕарбаккын дуо?

[Иллюстрация, страница 13]

Иисус салайарын саҕана абааһы көрсүһүү уонна уорбалаан сыһыаннаһыы суох буолуоҕа.