15 Уруок

Таҥара көҥүлүн толорорго, дьоннорго хайдах көмөлөһүөххэ сөбүй?

Тугу билбиккин дьоннорго кэпсиир тоҕо нааданый? (1)

Үтүө сураҕы кими кытта үллэстиэххэ сөбүй? (2)

Эн быһыыҥ-майгыҥ атыттарга хайдах дьайыан сөбүй? (2)

Түмсүүнү кытта Таҥара үөрэҕин хаһан тарҕатыахха сөбүй? (3)

1. Эн Библияттан элбэх билиини ыллыҥ. Ити билиилэр эйигин үчүгэй христианин буоларгар көҕүтүөхтээхтэр (Ефесяннарга 4:22—24). Үйэлэр тухары олоҕу ситиһэргэ, Библияттан билии ылар улахан суолталаах (Иоанн 17:3). Атыттар эмиэ быыһаналларыгар, үтүө сураҕы истиэхтэрин наада. Ол иһин дьиҥнээх христианнар бары, атын дьоҥҥо кэпсиэхтээхтэр. Ол Таҥара соруйуута буолар (Римляннарга 10:10; 1 Коринфяннарга 9:16; 1 Тимофейга 4:16).

2. Эн туох баар үчүгэйи билбиккин барытын, бэйэҥ чугас дьоҥҥун кытта үллэстэн саҕалыаххын сөп. Ол туһунан бэйэҥ дьиэ кэргэҥҥэр, доҕотторгор, оскуолатааҕы табаарыстаргар уонна бииргэ үлэлиир дьоҥҥор кэпсээ. Ону кэпсииргэр үтүө сыһыаннаах уонна тулуурдаах буол (2 Тимофейга 2:24, 25). Өйдөө, дьоннор үксүгэр киһи тугу саҥарарын истэрдээҕэр, киһи быһыытын-майгытын ордук көрөллөр. Ол иһин эн үчүгэй быһыыҥ-майгыҥ, эн тарҕатар үөрэххэр дьону тардыан сөп (Матфей 5:16; 1 Петр 3:1, 2, 16).

3. Сотору кэминэн баҕар Иегова Туоһуларын түмсүүтүн кытта, бэйэҥ олорор сиргэр үтүө сураҕы тарҕатар кыахтаныаҥ. Бу христианскай суолга улахан суолталаах хардыы буолар (Матфей 24:14). Төһөлөөх үөрүүнүй, өскөтүн эн кимиэхэ эмэ Иегова сулууспалааччыта буоларыгар уонна мэлдьи олорор олоҕу ситиһэригэр көмөлөстөххүнэ! (1 Фессалоникиецтарга 2:19, 20).