Биһиги Иегованы үөрдүөхпүтүн баҕарар буоллахпытына, кини Уолун истиэхтээхпит. Иегова Адамы айыан быдан иннинэ, кинини саамай күүстээх аанньал гына айбыта.

Кэмэ кэлбитигэр Иегова Уолун сиргэ ыыппыта. Кинини Вифлеем куоракка Мария диэн кыыс төрөппүтэ. Ол оҕоҕо Иисус диэн ааты биэрбиттэрэ (Иоанн 6:38).

Кини сиргэ олоро сылдьан, Таҥара хаачыстыбаларын толору көрдөрбүтэ. Иисус үтүө майгылааҕа, дьоҥҥо тапталлаахтык сыһыаннаһара уонна киниттэн дьоннор толлубат этилэр. Кини Иегова туһунан кырдьыгы үөрэтэриттэн куттаммат этэ.

Иисус ыарыһахтары үтүөрдэрэ уонна өлбүттэри тилиннэрэрэ.

Итэҕэл салайааччылара Иисуһу абааһы көрөллөрө. Тоҕо диэтэххэ кинилэр сымыйаҕа үөрэтэллэрин уонна куһаҕаны оҥороллорун кини сэмэлиирэ.

Итэҕэл салайааччылара Иисуһу Рим баһылыктара кырбаан баран өлөрөллөрүн ситиспиттэрэ.