INTUTO 02
IBibele Ituha Insepo Kaza Buhalo Bulotu Bwa Kubusu
Bantu mucisi bakopana ahulu ni bukabo buletisa kuti balizuwe ahulu bubi, intongosi, mane ni kusasaminwa. Kana cimubakopani ni mwiikalilo ubaletisi kuti mulizuwe bulyo? Mwendi hamwi musukuluka cebaka lya malwalila kamba mwendi mubafwilwa muntu umusaka. Mwendi hamwi muwola kulibuuza impuzo yakuti, ‘Buhalo mane kabube hande inako yimwi?’ IBibele iha inkalabo izuweka luli kweyo mpuzo.
1. Insepo yiina bule kaza kubusu yituwaana mwi iBibele?
IBibele kayi talusi feela ibaka hakwizwiile bukabo mucisi kono isi wamba zee ndaba indotu yakuti bukabo butubweene bwe nakozana mi boonse kaa bumane hahanu. Insepiso zaa mwi Bibele “ziwola kumiha buhalo bulotu bwa kubusu ni nsepo.” (Mubale Jeremiya 29:11, 12.) Izo insepiso ziwola kututusa kukolela bukabo butukopana naabo mwe yiinu inako, kuba ni muboneno uswanela, ni kuba ni ntabo mu buhalo.
2. IBibele yitusepisa buhalo bwiina bule bwa kubusu?
IBibele iwamba kuti kubusu “ifu keete nilibe kwateni, nangati maswabi ni kusasaminwa keete nizibe kwateni.” (Mubale Kuzikula 21:4.) Zintu ziletisa kuti bantu basukuluke sunu—zikola ubu buhumanehi, inkatulo zisashiyeme, malwalila, ni ifu—keete ni zibe kwateni. IBibele isepisa kuti bantu kabalikole buhalo bwa kuya kwiile mwi Paradaisi hanu haansi.
3. Muwola kuba bule ni buikolwiso bwakuti insepiso zaa mwi iBibele kazi zuzilikizwe?
Bungi bwa bantu balindile kuti babone zintu zilotu hazipangahala, kono bawaanite bukabo kulikolwisa kuti insepo zaabo kazi zuzilikizwe. Ziisepisa iBibele ziwola kusepiwa luli. Tuwola kukoza insepo yeetu mwi iBibele caa “kutatuba Mañolo ceentokomelo.” (Zicitantu 17:11) Cimukweete kulituta iBibele, kamuwole kuliatulela inwe mubeene heba muwola kuzumina ziwamba iBibele kaza kubusu.
MULITUTE ZINGI
Mulitute kaza zintu zimwi ziisepisa iBibele kaza kubusu. Mulitute umo insepo iwanika mwi iBibele muyitusikize bantu sunu.
4. IBibele yitusepisa kuti tuwola kuhala buhalo bushiyeme bwa kuya kwiile
Mubone mukoloko wicilila wee insepiso ziwaanika mwi iBibele. Njeyihi kwezi insepiso yimutabela kubona hayi zuzilikizwa? Mi ibakanzi hayili ya butokwa ahulu kweenu?
Mubale Mañolo atondezwe mu mubamba weezo insepiso, kuzwaho mu wambolisane hezi impuzo:
-
Kana kwiina intuso imuwaana mwaa mañolo? Mubona bule, kana zumwi kuba luhasi ni balikani beenu uwola kutusiwa halituta aa mañolo?
Munahane feela kuhala mweco cisi
|
KAKWIINA MUNTU YEETE ANYANDISWE KU ZINTU ZICILILA . . . |
BANTU BOONSE KABALIKOLE ZINTU ZICILILA . . . |
|---|---|
|
|
|
|
|
|
|
|
|
|
5. Insepo yituwaana mwi iBibele iwola kututusa luli
Bungi bwa bantu bazwafite kamba mane banyezezwe bukabo bwa zintu ziba libwenene. Bamwi balikateze ahulu kuti bawole kubisa mikalilo kuba hande. Mulitute umo insepiso yee iBibele yakuti zintu kazibe hande muyitusize bantu sunu. Muzane IVIDIYO, kuzwaho muwambolisane he mpuzo zicilila.
-
Mwi vidiyo, inkatulonzi yisashiyeme yibali kukateze ba Rafika?
-
Ni hakuba kuti inkatulo yisashiyeme yibali kubakateze kana yibamani, iBibele ibaba tusi bule?
Hatusepa ziwambe iBibele kaza kubusu tuwola kulikoza hatuzwafa ni kuba basaangite ni hakuba kuti tukopana ni bukabo.
Mubale Inguli 17:22 ni Baroma 12:12, kuzwaho muwambolisane hezi impuzo:
-
Mubona bule, kana ziiwambe iBibele kaza kubusu ziwola kumitusa mu buhalo bweenu mwe yiinu inako? Mi ibakanzi?
ZI BAWAMBA BAMWI BANTU: “Insepiso ziiwambe iBibele zilotu ahulu celyo ibaka kukabo kuzumina kuti kazipangahale luli.”
-
Ibakanzi hakuli kwa butokwa kuliwaanina bupaki inwe mubeene?
CABUFWIHI
IBibele izwiile insepiso kaza buhalo bushiyeme bwa kubusu. Ici citutusa kuba ni insepo kaza buhalo bulotu bwa kubusu.
Kubozoloza
-
Ibakanzi bantu habaswanela kwiiziba zee nsepiso yee iLeza?
-
IBibele iwambanzi kaza kubusu?
-
Kuba ni insepo kaza kubusu kuwola kumitusa bule mwe yiinu inako?
MUPOTE
Mulitute umo insepo mwi yiwola ku mitusikiza hamukopana ni miikalilo mikabo.
“Muwola—Kuwana Kuhi Insepo?” (Mubuke ya Cikuwa!, April 22, 2004)
Mulitute umo insepiso za mwi iBibele kaza kubusu muziwola kutusikiza bantu beena matuku asaholi.
“Heba Mwiina Matuku Asaholi—Kana iBibele Iwola Kumitusa?” (Indaba ziwanika he intaneti)
Heti mukweete kulwela yiinu ividiyo yee zimbo, muhupule kaze inako iyo inwe ni baluhasi lweenu yeete mulikole buhalo mwi Paradaisi isepiswe mwi iBibele.
Mubale umo buhalo bwa mulwiili wee ncinceho za buhalo bwa bantu mububa cincezi hamana kulituta insepiso yee iBibele kaza kubusu.
“Kanisilizuwi Kuti Ni Swanela Kucinca Cisi Coonse” (Itawala ya, July 1, 2013)
