Mu muwola kuwaanina zingi mwezi intuto zee iBibele
Mukumbile zumwi kuti alitute naanwe: Mukumbile kulituta iBibele ni muntu weeza ku miha yiinu imbukazana, kamba mutumine inkupo yeenu he websaiti yeetu ha jw.org.
INKALULO YEENTANZI
Mubale iparagirafu ni paragirafu, hamwiina bulyo ni mpuzo ziina mu muñolo mukaando (A) ni mañolo (B) atondeza zisupo ziine zikaando. Hamulitukiseza mubale mañolo woonse atondezwe, cenako iswana mañolo atondezwe mukusiha añoletwe kuti “mubale” mwabaliwe hape cakutumusa cenako ye ntuto.”
INKALULO YAHAKATI
Indaba yeentanzi iwambitwe (C) munkalulo ya Mulitute Zingi italusa indaba zicilila. Tutwi twe indaba (D) tutondeza zisupo zeete zilitutiwe. Mañolo abaliwe, mwiitabe impuzo, kuzwaho mulwele ividiyo (E).
Mulolisise zaatalusa maswaniso atondezwe (F), mi munahane mu muwola kwiitabila munkalulo ya Zi Bawamba Bamwi Bantu (G).
INKALULO YA MAMANISILIZO
Cabufwihi ni Kubozoloza (H) mu manisilize intuto. Muñole izuba liya mana iyo intuto. Mulelo (I) Mukatwi kee ntuto katakuti Mulelo, muhewa intohonolo ya kubona mu muwola kupangila kuti muzwiile-habusu kulituta ni kubona mu muwola kusebeliseza zi mwalituta. Mupote (J) munkalulo ya mupote umo muhelwe buiketelo bwa kulituta zingi caa kubala kamba kulwela mavidiyo.
Mu muwola kuwaanina intimana zaa mwi iBibele
Izina litondeza imbuka ya mwi IBibele yi muswanela kuwaana (A), Inamba yeentanzi itondeza nkauhanyo yi muswanela kuwaana (B), Inamba kamba manamba ecilila inamba yeetanzi atondeza ntimana kamba intimana zimuswanela kubala (C). Camutala, Johani 17:3 iama ku mbuka ya Johani, nkauhanyo 17, ntimana 3.
