NKALULO 3
Buhalo bu bena bule mwi Paradaisi?
Jehova aba hele Adama ni Eva zintu zingi zilotu. Genese 1:28
Jehova aba bumbi mwanakazi wentanzi, Eva, ni ku muha Adama kuti abe mwihyabwe.—Genese 2:21, 22.
Jehova aba ba bumbi ni mihupulo ni mibili iba liketete, ku sena ciba fosahele.
Munzi wabo we Paradaisi ibali luwa lwa Edeni—cibaka cilotu cibena lwiizi, zinyolozi ni zisamu zi bika zicelo.
Jehova abali ku wamba nabo; abali ku ba luta. Kambe ba ba tekelezi kwali, ni ba ba hali buhalo busamani mwi Paradaisi hanu hansi.
ILeza aba ba wambili kuti kanzi ba lyi kwi samu lya ba ba kanisi. Genese 2:16, 17
Jehova aba tondezi Adama ni Eva isamu limwina lya cicelo muluwa ni ku ba wambila kuti ci ba lya kwateni, ka ba fwe.
Zumwi ku mangeloi aba sandukili iLeza. Ilyo ingeloi ibilala nji Satani Diabulosi.
Satani kana abali ku saka kuti Adama ni Eva ba zuwe Jehova. Cwale aba litusisi inzoka ku wambila Eva kuti ca lya ku cicelo ce lyo isamu, kete na fwe, kono mwa swane ni iLeza. Awo abali mapa luli.—Genese 3:1-5.
