NKALULO 1
Tuwola ku tekeleza bule kwe iLeza?
ILeza uwamba naswe ce Bibele. 2 Timotea 3:16
ILeza we niti aba laeli bantu ku ñola mihupulo ya kwe mu mbuka imwina ijolola. Iyo mbuka nji iBibele. Ine ndaba za butokwa za saka iLeza kuti muzi zibe.
ILeza wizi nenza zintu za butokwa kwetu, mi nji Mushimululi wa butali boonse. Ha tu tekeleza kwali, ka tube ni butali luli.—Liproverbia 1:5.
ILeza usaka zumwi ni zumwi hanu hansi ku bala iBibele. Hanu ci iwanika mu mishobo mingi.
Heba musaka ku tekeleza kwe iLeza, muswanela ku bala iBibele ni ku izuwisisa.
Mateu 28:19
Bantu kuhi no kuhi ba tekeleza ni ku lituta iBibele.IMpaki za Jehova bawola ku mi tusa ku zuwisisa iBibele.
Mu cisi coonse, ba luta initi ya ze iLeza.
Ka kwina ci mu liha kwe iyi intuto. Muwola ku lituta ze iLeza ku Nzubo ya Mubuso ye Mpaki za Jehova iwanika mu cilalanda cenu.