Adama ni Eva ba babi ni bana, mi bantu ci ba ba bangi hanu hansi. Cenako, amwi mangeloi aba wondisani ni Satani ku ku sandukila iLeza.

Aba kezi hanu hansi ci eza kuli sandula bantu ni kwiza ku sesa banakazi. Banakazi ba ba pepi bana ba bena ziho zikando, ba bali bakali ni ku kola.

Mu cisi mu bezi kwi zula bantu ba bali ku cita zintu zibilala. IBibele ita kuti: “Bubilala bwa bantu bu bali bungi hanu hansi ni mihupulo ya munkulo zabo ibali mibi inako yoonse.”

Nuwe abali muntu ya ba lukite. Jehova aba wambili Nuwe kuti Ke haye bantu babi ca muunda mukando.

ILeza aba wambili Nuwe ku zaka cisepe cikando, ci sumpwa aleka, ni kwi njizika mwateni luhasi lwa kwe ni zinyolozi za mishobo yoonse.

Nuwe aba lemusi bantu ca Muunda ubali kwiza, kono kana ba ba mu tekelezi. Bamwi ba bali ku seka Nuwe; bamwi ba ba mu toyete.

Aleka ha yimana ku zakiwa, Nuwe abe njiziki zinyolozi mwateni.