Heba tusaka ku sangisa Jehova, tuswanela ku tekeleza ku zumwi muntu wa butokwa. Centanzi na seni ku bumba Adama, Jehova aba bumbi muntu wa luhuho wina ziho kwi wulu.

Cenako, Jehova aba tumi uzo muntu kuti zaa pepwe mwa Betelehema kwa kamwale yo sumpwa Maria. Uzo mwana aba wulikwa izina lya Jesu.—Joani 6:38.

Haabali muntu wa hansi, Jesu aba likanyisi mikwa ye iLeza ilukite. Aba lukite, wine lato, ni yo atumeleha. Kana abena lyowa, aba luti bamwi initi ya za Jehova.

Bayendisi ba bulapeli ba ba toyete Jesu kakuti aba patululi intuto za bo za mapa aba bali ku luta ni nzila za bo imbilala.

Jesu hape abali ku hoza balwele ni ku buusa bamwi ba ba fwile.

Bayendisi ba bulapeli ba ba susuezi Maroma kuti ba dame Jesu ni ku mwi haya.