“Cisi coonse ciina mu mayanza a muntu mubilala.”—1 Johani 5:19.

“Mwana wee iLeza abezi . . . kwiiza ku sinya mitendo ya diabulosi.”—1 Johani 3:8, New Century Version.

Ka mwiizibe mabaka hakwiina miikalilo mikaabo mucisi.—Kuzikula 12:12.

Kamube ni ibaka lya kuzumina kuti miikalilo ya mucisi kayibe milotu.—1 Johani 2:17.

Eni, ca mabaka ootatwe:

• Impuso ya Satani ikangitwe ku yendisa. Jehova kaa manise impuso ya Satani hewulu lya bantu. Usepisa ku “manisa . . . Diabulosi” ni ku manisiliza bubilala boonse bwa letete Satani—Baheberu 2:14, New World Translation.

• ILeza abasali Jesu Kreste kuti abuse cisi. Jesu ucincanela kule ni mubusi wee cinu cisi wiina cituhu, ulisaka mwiine. Mu mpuso ya Jesu, iLeza usepisa kuti: “Mwa fwile insee ku yo fokwele ni muhumanehi . . . aba tuse ku baba lyatilila ni ku baba sukulula.”—Lisamu 72:13, 14.

• ILeza kawoli kucenga. IBibele iwamba nenza kuti: “ILeza kawoli kucenga.” (Baheberu 6:18) Jehova ha sepisa kucita cimwi cintu, kukola bulyo ubu caaba citi kale ico cintu! (Isaya 55:10, 11) “Mubusi wee cinu cisi kaa hindikwe.”—Johani 12:31.