MUZWIILE-HABUSU KUTONDA!
2023: Cilimo cee Ntongosi—IBibele Iwambanzi?
Mu cilimo ca 2023, zikweete kupangahala mu cisi zitondeza ha jolola kuti tuhala mu mazuba atalwiswe mwi Bibele kuba“mazuba a mamanisilizo.” (2 Timoteya 3:1) Mubone zikweete kupangahala mu cisi mu ziyendelela ni ziibapolofiti iBibele kuti kazipangahale mu nako zeetu.
IBibele ni nkezahalo za mu cisi
“Inkoondo ni mpiho zee nkoondo.”—Matewu 24:6.
“Mifilifili ikweete kwinjiha mu nkalulo ziingi za cisi.” a
Mubone indaba zahe webbusaiti “Njeeni Yeete Ahaze Bantu Basakwiina mu Cisole?” ni “Mibuso M Cisi Coonse Ibasebelisi Masheleñi Ahitilila 2 Tiriliyoni ya Madola a Amerika Mu Nkoodo.”
“Inzikinyeho kuzwa mu cibaka cimwi kuya ku cimwi.”—Mareka 13:8.
“Kuzwa bulyo kumatangilo a cilimo ca 2023, cikubabi ni nzikinyeho zikasika ha 13 za bukaando bwa 7 mu cisi coonse, impalo inkaando ahulu kuzwa akubatangili kubihiwa.” b
Mubone indaba yahe webbusaiti “Inzikinyeho Inkaando Ipangahala mwa Turkey ni mwa Syria .”
“Ziintu zitiiza.”—Luka 21:11.
“Tuwambanga cikuhiisa ahulu; kono hanu mazimo ewulu cahitilila intikanyo.”—António Guterres, Mukulwana wee Nkopano ya Macaba (UN secretary-general). c
Mubone indaba yahe webbusaiti “Kuhiisa Ahulu mwi Mbumbi ya 2023.”
“Kutayela kwa zilyo.”—Matewu 24:7.
“2023: Cilimo cimwi ca bukaabo kwaabo bawaanite bukukutu ku waanina baluhasi lwaabo zilyo.” d
Mubone indaba yahe webbusaiti “Inkoondo ni Kucinca kwa Mazimo Ewulu Ziletete Bukaabo bwa Kutayela kwa Zilyo mu Cisi Coonse.”
“Inako inkaabo.”—2 Timoteya 3:1.
“Mu cisi coonse mu bantu beena 8 umwiina wiina bukaabo bwa kulwaala mu munahano.” e
Mubone indaba yahe webbusaiti “Butuku Bwa Mwa Munahano Buzwelapili Kuekezeha ku Babanca—Bibele Ibulelañi fa Taba Yeo? .”
Ziintunzi zeete zipangahale mwa 2024?
Kakwiina yowiizi luli zeete zipangahale mwa 2024. Kono inkezahalo za mu cisi ziha bupaki bwakuti hahanu Mubuso wee Reeza kapa muuso wa kwiwulu kawuyole mibuso ya bantu ni kumanisa ziintu zoonse ziletete manyando ni ntongosi.—Danyele 2:44; Kuzikula 21:4.
Citulindile kwiizuzilikizwa koobu bupolofita, hatuba ni ntongosi tuwoola kukumbila intuso kwe Reeza. IBibele iwamba kuti:
“Cinitiite, nisepanga iwe.”—Lisamu 56:3.
Tuwoola kutondeza bule kuti tusepete Ireeza? Tumimema kuti mulitute ziingi kuamana ni nsepiso za mwi Bibele ya buhalo bulotu bwa kubusu museete mube ni manyando. Mulike intuto yeetu yee Bibele isalihilwa kuti mulitute inwe ni baluhasi lweenu mu muawoola kutusikizwa ku nsepiso zee Bibele.
a Indaba za mu nkaanda, “Cisi coonse cikweete kulwa: Ziintunzi ziletete mifilifili yoonse iyi?” kuwamba ba Emma Beals ni ba Peter Salisbury, kali 30 October 2023.
b Makande a zee nzikinyeho, “Cilimo ca 2023: Impalo yee Nzikinyeho ziseeni kubonwa,” May, 2023.
c Inkopano ya Macaba, “Maanzwi a Matangilo a Mukulwana wee Nkopano ya Macaba ku Mukopano wa Mazimo Ewulu,” kali 27 July 2023.
d Iprogramu ya Zilyo mu Cisi Coonse, “Bukaabo bwa Kutayela kwa Zilyo mu Cisi Coonse.”
e Inkopano ya Makete mu Cisi Coonse, “Izuba lya Butuku bwa mu Munahano 2023,” kali 10 October 2023.