MUZWIILE-HABUSU KUTONDA!
Masaintisiti Bakashikiza Kubusu Iwaci Iswaniseza Kuba Hafwihi kwa Bukaabo mu Cisi—IBibele Iwambanzi?
Kali 24 January 2023, masaintisiti baba kashikizi kubusu Iwaci yee nswanisezo hafwihi a ni hakati ka masiku, ili izimanina kumana kwe cisi.
“‘Iwaci Iswaniseza Kuba Hafwihi kwa Bukaabo mu Cisi’ iwaci yee nswanisezo ibecilila buungi bwa bantu mwi nkaanda ziingi ibakashikizwa hafwihi ahulu ni hakati ka masiku Labubeli cebaka lya ziintu zikweete kupangahala zikola sina inkoondo ya mwa Ukraine, mabbomba a nyukiliye ni bukaabo bwa kuhiisa kapa kutontola ahulu mu cisi.”—AFP International Text Wire.
“Labubeli masaintisiti ba bawambi kuti ‘Iwaci Iswaniseza Kuba Hafwihi kwa Bukaabo mu Cisi’ ibakashikizwa kubusu ca masekondi eena 90 hafwihi ni hakati ka masiku—kutondeza kuti cisi ciciina ahulu hafwihi ni kulisinya ico ciine.”—ABC News.
“Cikwata ca masaintisiti cibalemusi kuti bantu cibeena ahulu hafwihi ni kuliletela bukaabo hewulu lyaabo ili ciintu ciseeni kubonwa mu buhalo bwa bantu.”—The Guardian.
Kana buhalo bwa bantu ni pulaneti yeetu ciziina hafwihi ni kusinyeha? Kana tuswanela kulikalililwa zeete ni zipangahale kubusu? IBibele iwambanzi?
Zeete ni zipangahale kubusu
Kuya cee Bibele, “cisi ciikala kuya kwiile” mi kakube ni bantu beete “bahale mwateni kuya kwiile.” (Muwambi 1:4; Lisamu 37:29) Kutalusa kuti bantu keete ni basinye cisi kamba kuletisa kuti cisi ceetu coonse saanzi kuhali bantu.
Nihakuba bulyo, iBibele iwamba tota za mamani-mani. Ca mutala, iwamba kuti “cisi cimana.”—1 Johani 2:17.
Kuti muwaane ziitalusa iBibele kuamana ni kumana kwe cisi, mubale indaba yahe webbusaiti icokuti “Is the World Coming to an End? What Is the Apocalypse?”
Kuti mulitute ziiwamba iBibele kuamana ni ziintu zeete ni zipangahale mu cisi, mubale indaba yahe webbusaiti icokuti “When Will the World End?”
Kuzwiila-habusu kuba ni muboneno ushiyeme
IBibele iwoola kututusa kuzwiila-habusu kuba ni muboneno ushiyeme nihakuba kuti kwiina bukaabo mu cisi. Bule?
IBibele ituha inkelezo iwoola kututusa mu buhalo bweetu. (2 Timoteya 3:16, 17) Ca mutala, mubale indaba yahe webbusaiti icokuti “How to Control Worry” Kuti mulitute mwi woola kumitusikiza iBibele kuzwiila-habusu kuba ni muboneno ushiyeme nihakuba kuti kwiina bukaabo buungi mu buhalo.
IBibele iha insepo yee niti kuamana ni za kubusu. (Baroma15:4) Italusa ca kuzuweka zeete ni zipangahale hanu ni kubusu, itutusa kuzwiila-habusu kuba ni nsepo nihakuba kuti kwiina zikweete kupangahala mu cisi.
Kuti mulitute ziingi mwi Bibele, tumimema kulika intuto yeetu yee Bibele isalihilwa.
a “Iwaci Iswaniseza Kuba Hafwihi kwa Bukaabo mu Cisi ibonisa bufwihi bwe nako ishalile kuti cisi ceetu cisinyiwe ca zipangaliko zibi zibabapangi bantu. Ciwambo cee nswanisezo, citutusa kulemuha mihato ituswanela kuhinda kapili haiba tusaka kuzwiila-habusu kuhala he pulaneti.”—Bulletin of the Atomic Scientists.