MUZWIILE-HABUSU KUTONDA!
Bantu Kaba Sisepi Bantu bee Politiki—IBibele Iwambanzi?
Mu cilimo ca 2024 kakube ni nketisa ziingi ahulu mu cisi coonse. Niha kuba bulyo buungi bwa bantu kabasine nsepo mu bantu bee politiki.
Buungi bwa bantu beekala mwa America haba buzwa mu mpatisiso batakuti “buñata bwa bantu bee politiki basusuwezwa feela mabaka aba saka abobeene” isini mabaka a kusebeleza cicaba. a—Pew Research Center, September 19, 2023.
Buungi bwa bahya naabo kaba sina insepo mu bantu bee politiki.
“Bahya basaka ahulu kuwaana inkatulo ku bukukutu buba kopana naabo kono kuya cee mpatisiso bata kuti bantu bee politiki kaba tatululi ubu bukaabo.”—The New York Times, January 29, 2024.
“Kuya cee mpatisiso kuboneka kuti bahya basepa ahulu bantu ba biika mavidiyo ha YouTube kuhita bantu bee politiki.”—The Korea Times, January 22, 2024.
Kana tuwoola kesepa bantu bee politiki kuleta ziintu zina hande kubusu? Njeeni utuwoola kusepa?
Tokomele yowoola kusepa
Bantu ba panga hande ku tokomele ubawoola kusepa. IBibele iwamba kuti “muntu muholo uzumina maanzwi oonse, kono mutali uhupulisisa zoonse ziwambwa.”—Liproverbia 14:15.
Kumitusa kutatube indaba zi muwaana kwiiziba haiba zeniti kapa zaa mapa, mubale “Protect Yourself From Misinformation.”
Kuzwaho, nangati bantu bee politiki basepahala ahulu luli ni basaka kupangila bantu zilotu kwiina ziba kaangiswa kupanga bulyo. Ceeli baka iBibele itu kalimela:
“Kanzi mu biiki insepo yeenu ku bayendisi ba bantu, ka kwiina muntu yowoola kumihaza.”—Lisamu 146:3, Good News Translation.
Muyendisi umuwoola kusepa
IBibele italusa kuti Ireeza abasali muyendisi yowoola ni yosepahala: Jesu Kreste. (Luka 1:32, 33) Jesu nji Simwiine wa Mubuso wee Ireeza, muuso weete nubuse kuzwiilila kwiwulu.—Mateu 6:10.
Mulitute ibaka hamuwoola kusepa Jesu ni zeete napange kumanisa bukaabo butu kopana naabo. Mubale intuto “Ki Mañi Mulena wa Mubuso wa Mulimu?” ni “Mubuso wa Mulimu Ukaezañi?”
a Pew Research Center, “Americans’ Dismal Views of the Nation’s Politics,” September 2023.