MUNGENDENGE WA BUTOKWA AHULU
Zeete ni Upange Mubuso wee Leza Kuamana ni Bukaabo bwa Kusinyeha kwa Cisi
“Kucinca ahulu kwa mazimo ewulu kuletete bukaabo ku bantu, mileneñi ni ku ziintu zoonse zihala. Luhuho lukaando, luletiswe kucinca ahulu kwa mazimo ewulu, lukweete kusinya mazubo ni kukaangiswa bantu kulihaza mu cisi coonse. Kutukuta ahulu mu mawate, kuletete bukaabo ku zibumbantu zihala mu mawate kuti mane zikweete kufwa.”—Inger Andersen, yowicilila-mukulwana-wee Nkopano ya Macaba (United Nations) ni mukulwana wee Nkopano ya UN Environment Programme, 25 July 2023.
Kana mibuso kayi wondinsane hamwiina kumanisa bukaabo bwiina mu cisi? Kana bawoola tota kumanisa bukaabo boonse bwiina mu cisi?
IBibele iwamba za mubuso uwoola ni weete niumanise bukaabo bubakopana naabo bantu mu cisi. IBibele iwamba kuti “iLeza wa kwiwulu kaatome mubuso,” mubuso weete umanise bukaabo boonse mu cisi. (Danyele 2:44) Mowo mubuso wa cisi coonse, bantu “keete ni balete inkozi ihi kapa ihi” zumwi ku zumwi kapa ku cisi.—Isaya 11:9.