MUZWIILE-HABUSU KUTONDA!
Impalo ya Bantu Balikana 6 Miliyoni Babafwi ku Butuku bwa COVID-19—IBibele Iwambanzi?
Kuya cee mpiho ya Katengo ka Makete ka sumpwa World Health Organization (WHO) mu Cikuwa, kuzwa kali 23 May, 2022, bantu baangi-baangi balikana 6.27 miliyoni babafwi ku butuku bwa COVID-19. Nihakuba bulyo, kuya ca makande abazwiswa kali 5 May, 2022, Katengo kaswana ka Makete (WHO) kaba akalezi impalo ya bantu babafwi kuba inkaando ahulu ku zamba iyo. Baba wambi kuti mukati ka cilimo ca 2020 ni 2021, “impalo luli ya bantu babafwi ku butuku kamba ziintu zibaletiswa ku butuku bwa COVID-19 buyambite mucisi . . . isika ha 14.9 miliyoni.” Kana iBibele iwamba cimwi kuamana neezi ziintu zizuwisa butuku?
IBibele ibapolofiti za matuku ehaya
Jesu abapolofiti kuti kakube ni matuku, kutalusa “matuku mabi ahulu,” mwi nako iwambitwe mwi Bibele kuba “mazuba amamanisilizo.”—Luka 21:11, intoloko ya Contemporary English Version; 2 Timoteya 3:1.
Bupolofita bwa Jesu bukweete kwiizuzilikizwa mwi nako zeetu. Kuti mulitute ziingi, mubale indaba yahe webbusaiti itakuti “Cisuponzi Citondeza ‘Mazuba Amamanisilizo,’ kamba ‘Mamanisilizo ee Nako’?”
IBibele ituha ziintu ziwoola kutusenga-senga
“ILeza yosenga-senga . . . yotusenga-senga mu miikalilo yeetu yoonse.”—2 Bakorinte 1:3, 4.
Buungi bwa bantu babafwiilwa bakwaabo babasengwa-sengwa ku ndaba ziwaanika mwi Bibele. Mulitute ziingi mwi ndaba yahe webbusaiti itakuti “Kukolela Mwiikalilo wa Kufwiilwa—Zimuwoola Kupanga Hanu“ ni “Ziwoola Kutusa Hande Babafwiilwa.“
IBibele ituwambila mweete ni bumanisizwe bukaabo boonse bubakopana naabo bantu
“Mubuso waako wiize. Kucitwe kusunwa kwaako, mu kucitilwa kwiwulu, naa hanu haansi kucitwe bulyo.”—Matewu 6:10.
Hahanu “Mubuso wee Leza” kawu manise bukaabo boonse kuti kaanzi kubi ni “muntu yeete naa wambe kuti: ‘Nilwaala.’” (Mareka 1:14, 15; Isaya 33:24) Mulweele ividiyo itakuti: Mubuso wee iLeza Cintunzi? Kuti mulitute ziingi kazowu mubuso wa kwiwulu ni zeete ni upange.
Tumimema kuti mulitute ziingi kaze insepiso ziiwamba iBibele muziwoola kumitusikiza ni luhasi lweenu.