Kusazuminzana mwi ndaba zee politiki kuziyeze bantu mu cisi coonse. Kuya cee mpiho ibaganisiswa kuba (Pew Research Center survey) mwa 2022, “bakulwana balikana 65% ba mwi nkaanda zilikana 19 haba buuzwa muboneno waabo he ndaba zee politiki, baba wambi kuti kusazuminzana kwinjihite ahulu.”

 Kana indaba ya kusazuminzana mwi ndaba zee politiki injihite ku muhala? Ibakanzi hakwiina bulyo? Kana kwiina ciwoola kutusa? Mubone ziiwamba iBibele.

 IBibele ibapolofiti kuti mwi nako zeetu, zisumpwa “mazuba a mamanisilizo,” buungi bwa bantu ka babe ni mikwa isawondinsanisi bantu.

•   “Mu nako za mamanisilizo inako inkaabo kazibe kwateni. Bantu ka balisake beene, . . . bakakanina ha mihupulo yaabo.”—2 Timoteya 3:1-3.

 Nihakuba kuti bantu baangi balikataza, mibuso miingi iwaanite bukaabo kusebeza hande. Bantu beena miboneno icincana bawaanite bukukutu, mane kabawooli bulyo kusebeza ni bamwi kutatulula bukaabo. Zikweete kupangahala zitondeza hande ziibawambi iBibele inako ya ku masule.

•   “Muntu wiina ziho za kulyatilila zumwi, ku mutenda bubi.”—Muwambi 8:9.

 Ni hakwiina bulyo, iBibele itondeza kuti ziintu kazibe hande—inako muuso ciwa yendiswa ku muntu yowoola kumanisa bukaabo boonse bu bakopana naabo bantu suunu.

 IBibele iwamba za muyendisi yolihitize: Jesu Kreste. Jesu wiina ziho, intukelo ya kubusa, mi usaka kutusa bantu kuwondinsana ni kuba mwi nkozo.

•   “Mu mazuba akwe yoshiyeme kaa nkonde, mi inkozo kayiekezehe.”—Lisamu 72:7.

•   “Macaba woonse kaa musebeleze.”—Lisamu 72:11.

 Jesu nji muyendisi yoswanela kakuti utokomela ni kusaka kutusa bantu, upanga ahulu bulyo ku bantu batendwa bubi.

•   “Kakuti kaa lamulele muhumanehi yolilila kwaali, ni muntu wa mazimo a kuunsi ni muntu yeense yaseena yo mutusa. Kafwiile insee muntu wa mazimo a kuunsi ni muhumanehi. Kaa balamulele ku babalyatilila ni ku mifilifili.”—Lisamu 72:12-14.

 Mulitute ziingi kuamana ni Mubuso wee Leza, muuso wa kwi wulu uyendiswa kwa Jesu. Mubone mumuwoola kutusezwa ni kuzimanina uwo mubuso.

•   Mulweele ividiyo icokuti Mubuso wee Leza Ciintunzi?

•   Mubale indaba yahe webbusaiti icokuti “Mubuso wa Mulimu—Mulonga mo ku si na ku sa Sepahala.”