MUSEBEZI WA KUMEMELA BANTU KU NKUPUZO
Jesu Kaa Manise Bugebenga
Jesu uzuwisisa mukuzuwekela kunyandiswa cebaka lya bugebenga ni kusaluka. Jesu abahambilizwa indaba, abadamwa ni kuseena mulandu, aba atulwe ca kusaluka, abahewa mulandu nasafoseze, mi abe hayiwa calunya. Nihakuba kuti keena habeena mulandu, cakulisakila abahi buhalo bwaakwe “sina citabelo kuti aliulule baangi.” (Matewu 20:28; Johani 15:13) Hanu, Jesu cakuba Simwiine wa Mubuso wee Reeza, kalete inkatulo ishiyeme mu cisi coonse, ni kumanisa inkezo zoonse za bugebenga.—Isaya 42:3.
IBibele itondeza miikalilo mweete niibile mu cisi inako Jesu cahinda muhato:
“Bantu babilala keete ni babe kwateni; koo lole haba beekele, kono keete ni babe hateni. Kono balikokobeza kabamune cisi, mi ka basaange ahulu cebaka lye nkozo yiingi.”—Samu 37:10, 11.
Tuwoola kutondeza bule buitumelo ku zabatupangili Jesu ni zeete atupangile? Kuya cee ñolo Luka 22:19, Jesu abawambili becilili baakwe kuti bakuhupulanga ifu lyaakwe. Nji ibaka cilimo ni cilimo, he zuba lya bafwi, Impaki za Jehova bakopananga hamwiina. Tumimema kwiiza kuwaanika hamwiina naaswe ku mukopano wa Kuhupula ifu lya Jesu weete upangahale Lensunda kali 24 March 2024.