MUSEBEZI WA KUMEMELA BANTU KU NKUPUZO
Jesu Kaa Manise Inkoondo
Jesu habeena hanu haansi, abatondezi ilato ikaando ku bantu, mane celyo ibaka abahi buhalo bwaakwe sina citabelo. (Matewu 20:28; Johani 15:13) Hahanu, katondeze ilato lyaakwe ku bantu ca kulitusisa ziho zahelwe, ca kuba Simwiine wa Mubuso wee Reeza “kaa manise inkoondo mu cisi coonse.”—Samu 46:9.
Mubone ziiwamba Bibele, Jesu mweete napangile bulyo:
“Kalamulele mubotana yolilila kwaali, ni muntu wa mazimo a kuunsi ni muntu yeense yaseena yomutusa. Kafwiile insee muntu wa mazimo a kuunsi ni mubotana, mi kahaze buhalo bwa mubotana. Kabalamulele ku babalyatilila ni ku mifilifili.”—Samu 72:12-14.
Tuwoola kutondeza bule buitumelo ku zabatupangili Jesu ni zeete napange hahanu kubusu? Kwa Luka 22:19, Jesu abawambili becilili baakwe kuhupula ifu lyaakwe. Nji baka cilimo ni cilimo, he zuba lya bafwi, Impaki za Jehova bakopananga hamwiina. Tumimema kwiiza kuwaanika hamwiina naaswe ku Nkupuzo yefu lya Jesu yeete nipangahale Lensunda, kali 24 March 2024.