MUZWIILE-HABUSU KUTONDA!
Kana Zizaano za mu Cisi Coonse Ziwoola Kuwondinsanisa Bantu?—IBibele Iwambanzi?
Mu nako ya Zizaano za mu cisi coonse za cilimo ca 2024, impalo ya bantu isika ha 5 bbiliyoni ka balweele bazaani bazwa mu nkaanda zina 206. “Tu nkalulo ya bantu beena mu zizaano za mu cisi coonse zitusa bantu kuba mu nkozo,” kuwamba Thomas Bach, mukulwana wee Nkopano ya Zizaano mu Cisi Coonse (International Olympic Committee). “Heke tulikole inkezahalo ya Zizaano kakuti zitutusa kuhala mu nkozo, iyi nji nzila ya butokwa itusa bantu kuwondinsana, nihakuba kuti tuzwa mu zibaka zishutana.”
Kana Zizaano ziwoola kuwondinsanisa bantu ceeyo nzila? Kana tuwoola kuba mu nkozo ni kuwondinsana kwe niti?
Ziwoola kututusa kuwaana inkozo ni kuwondinsana?
Zizaano zee cinu cilimo zitusize bantu mu nzila zimwi. Izi Zizaano zikweete kukauhanya ahulu bantu mu muhalilo ni mu ndaba zee politiki. Izi zikopanyeleza indaba ziamana ni nswanelo, inketululo ya mubala, inketululo ya bulapeli ni kulikanelela kwa bantu.
Zizaano za mu cisi coonse zitusa bantu kuba basaangite. Nihakuba bulyo, Zizaano ziswana zikweete kususuweza mikwa ikauhanya bantu zisaletisi inkozo ni kuwondinsana.
IBibele ibapolofiti za mikwa ya bantu iletisa kuti kube kukukutu kuwondinsana. (2 Timoteya 3:1-5) Kuti mulitute ziingi zoobu bupolofita bwe Bibele, mubale indaba yahe webbusaiti icokuti “Kana iBibele Ibapolofiti za Munahanelo ni Mikwa Ibeena Naayo Bantu Suunu?”
Insepo yee niti kaze inkozo ni kuwondinsana mu cisi coonse
IBibele iha insepo yakuti kubusu kakube ni nkozo ni kuwondinsana mu cisi coonse. Isepisa kuti bantu mu cisi coonse kaba wondinsane hamwiina mu mubuso wa kwiwulu usumpwa “Mubuso wee Reeza.”—Luka 4:43; Matewu 6:10.
Simwiine wowo Mubuso, Jesu Kreste, kaa letise kuti kube ni nkozo mu cisi. IBibele icokuti:
“Yoshiyeme kaa konde, mi inkozo kayiweleke.”—Lisamu 72:7.
“Kaa lamulele muhumanehi yolilila kwaali . . . Kaa balamulele ku babalyatilila ni ku mifilifili.”—Lisamu 72:12, 14.
Nangati suunu, intuto za Jesu ziwondinsanisa buungi bwa bantu mu nkaanda ziina 239. Cakuba Bakreste, iswe twi Mpaki za Jehova mu cisi coonse tubalituti kuhalinsana cee nkozo. Kuti mulitute ziingi, mubale indaba yee Tawala Yamulindili icokuti “Ziwoola Kututusa Kumanisa Citoyo.”
You May Also Like
ESSENTIAL BIBLE TEACHINGS
Mubuso wee iLeza Cintunzi?
Mu bukombwa bwaakwe boonse indaba kaza Mubuso wee iLeza nji indaba ibalutiwa ahulu kwa Jesu kuzamba indaba ihi kamba ihi. Muzilimo-limo, bantu cibaba lapeleli uwo mubuso kuti wiize.
