Mumanise Buzunzu Ca Kuba Ni Balikani—IBibele Muyiwoola Kumitusikiza
Mwa 2023 bacaziba ba balemuhi kuti buzunzu butuku bumwi buwoola kuama makete a bantu baangi mi baswanela kupanga cimwi ka zateni. Kana ubu bukaabo buwoola kumaniswa?
“Hatulizuwa buzunzu ni kuba kule ni bamwi bantu tuwoola kuba mu makete aseena hande ni kuzobelwa kusaanga kweetu,” kuwamba Dr. Vivek Murthy, U.S. surgeon general. Kono bazwiila habusu kuwamba kuti: “Kwiina cituwoola kupanga.” Bule? “Tuwoola kupanga ziintu zimwi izuba ni zuba kukoza cilikani ceetu ni bamwi.” a
Tuwoola kulizuwa buzunzu heba tulihambusa ku bamwi. Bamwi bawoola kulizuwa buzunzu kono ni beena ni bantu. Ibe kuti ibaka njelihi hatulizuwa buzunzu, iBibele iwoola kutusa. Mwi Bibele kuwaanika inkelezo iwoola kututusa kumanisa buzunzu ni kukoza cilikani ceetu.
Zikuka za mwi Bibele ziwoola kutusa
Mulitute kuwambola hande ni bamwi. Ici cikopanyeleza insini kuwamba bulyo maikuto eenu kono ni kuteeka cee ntokomelo. Heba ni mulikataza kutwaaliza inkulo ku bamwi, cilikani ceenu naabo kacikole ahulu.
Cikuka ca mwi Bibele: “Mutwaalize inkulo, insini ku zeenu bulyo, kono ni ku zibamwi.”—Bafilipi 2:4.
Mulikataze kuba ni balikani baangi. Mulikataze kuba ni balikani bakulwana kapa bahwile kweenu kapa bazwa mwi shimuluho kapa inkaanda iingi.
Cikuka ca mwi Bibele: “Mwiyalule ahulu inkulo zeenu.”—2 Bakorinte 6:13.
Kuti muwaane indaba ziingi ziwoola kumitusa kuba ni cilikani cikolete ni bamwi, mubale indaba yahe webbusaiti icokuti “Satisfying Our Hunger for Friendship.”
a Bukaabo Buyambite bwa Buzunzu ni Kusaaba ni Bamwi: Mukulwana wa Makete mwa U.S. Uwamba he Ndaba ya Bukaabo Buletwa Kusaaba ni Nako ni Bamwi mu Cilimo ca, 2023.