Ka mwiina mu cilimo, Impaki za Jehova hamwiina ni buungi-buungi baba potelanga ka bakungane mu zibaka zisiyene-siyene kupanga Inkupuzo yefu lya Jesu, sina mwa balayeleli. (Luka 22:19) Kweyi inkupuzo tutusiwanga kuzuwisisa butokwa bwa za bapangi Jesu habahi buhalo bwaakwe ku bantu boonse. Hape tulituta mutuwoola kutusikizwa ku citabelo caakwe—mwe yiinu nako ni kubusu.—Johani 3:16.

 Ibe kuti ka muwaanike kapa keete muwaanike kwi Nkupuzo yee ciinu cilimo, muwoola kutusiwa bule ku citabelo cefu lya Jesu? Jesu abaluti ziintu zoobele za butokwa zituswanela kupanga:

1.  1. Mulitute zee Leza ni Jesu. Jesu abalapeli Kweesi wa kwi wulu, abawambi kuti: “Kuti bawaane buhalo busaamani, baswanela kuzwiila-habusu ku kwiiziba, iwe iLeza wee niti, ni yo batumi, iye Jesu Kreste.”—Johani 17:3.

2.  2. Musebelise zimulituta. Jesu abawambi ahulu he ndaba yakuti tuswanela kusebelisa intuto zaakwe mu buhalo bweetu. Ca mutala, abamanisi Ingambolo yaakwe idumite ahulu yahe Lundu ca kuwambila yeense “yozuwa maanzwi [akwe] ni kuamamela.” (Luka 6:46-48) Mwi nako yimwi, abawambi kuti: “Ca kwiiziba izi ziintu, ka mube basaangite haiba ni muzipanga.”—Johani 13:17.

 Kana musaka kulituta ziingi zee Leza ni Jesu? Kana musaka inkelezo iwoola kumitusa kwiiziba mumuwoolela kusebelisa zimulituta? Ziinu inzila ziwoola kumitusa.

 Intuto yeetu yee Bibele ya kuwambolinsana isalihilwa cibatusi buungi bwa bantu kutatuba ziiluta Bibele ni mubawoolela ku zisebelisa mu buhalo bwaabo.

•   Mubone ipeji yeetu yee Ntuto yee Bibele kuti mulitute ziingi kuamana neyi iprogiramu.

•   Mulweele ividiyo icokuti: Tumitambula ku Ntuto Yeenu yee Bibele kuti mubone intuto yee Bibele yee Mpaki za Jehova mwi pangilwanga.

 Impaki za Jehova bakopananga toobele mwi nsunda ku cibaka caabo ca kulapelela cisumpwa Inzubo ya Mubuso. Kweyi mikopano, tulitutanga iBibele ni mutuwoolela kusebelisa zitulituta mu buhalo bweetu.

 Bantu boonse batambulwa kweyi mikopano; nihakuba kuti kaheena mwi Mpaki. Kulitingite ku cibaka cimuhala kucili, muwoola kuwaanika kweyi mikopano cakuba ku Nzubo ya Mubuso kapa kununga ca zumu (zoom).

•   Mulweele ividiyo icokuti: Cinzi cipangahala ku Nzubo ya Mubuso? kuti mubone zipangahalanga kweyi mikopano.

•   Muwaane mukopano wiina hafwihi naanwe he peji ya Mikopano yee Mputeho yee Mpaki za Jehova.

 Indaba ziingi ni mavidiyo he webbusaiti awoola kumitusa kulituta ziingi zee ntuto za Jesu ni butokwa bwa citabelo cefu lyaakwe.

 Ca mutala, ka mulitute ifu lya muntu umwiina muliwoola kutusikiza buungi-buungi bwa bantu, mubale indaba yahe webbusaiti “Jesu Ulupilisa ka Mukwa Ufi?” ni “Ki Kabakalañi Jesu Hanaanyandile ni Kushwa?” kapa mulweele ividiyo Ki Kabakalañi Jesu Hanaashwile?