Buungi bwa bantu bahupula kuti kakwiina intatululo ku bukaabo buba kopana naabo bantu mwa 2024. Nihakuba bulyo, tuwoola kuwaanwa insepo ya kubusu. Kuhi?

 IBibele isepisa kuti Ireeza kaa manise bukaabo boonse buletisa kuti buhalo bweetu suunu buboneke kusaaba ni nsepo. Hahanu, Ireeza “kaa sinde zinsozi ku meenso aabo, mi ifu keete nilibe kwateni, nangati maswabi kapa kulila kapa kusasaminwa keete nizibe kwateni.”​—Kuzikula 21:4.

•   Kuti mulitute ziingi kuamana ni nsepo za mwi Bibele za kubusu, mubale indaba yahe webbusaiti icokuti “A Real Hope for a Better Tomorrow.”

 IBibele iha insepo kaza kubusu iwoola kumitusa kuzunda maikuto akulizuwa ahulu bubi ni kumitusa kuba ni muboneno wiina hande. (Baroma 15:13) Inkelezo ya mwi Bibele iwoola kumitusa kukolela bukaabo bumukopana naabo mwe yiinu nako, bukola sina bubotana, inkatulo isashiyeme, ni matuku.

•   Mulitute zee nsepo ya mwi Bibele mwibatusikizi mukwame kuwaanwa inkozo ni ntabo nihakuba kuti haba kuzikizwa mu luhasi lushebete. Mulweele ividiyo icokuti Juan Pablo Zermeño: Jehovah Gave Me a Meaningful Life.

•   Mulitute iBibele mwiwoola kumitusikiza kukolela maikuto akulizuwa mulandu, maswabi, impilayelo, ni kushinyehelwa. Mubale indaba yahe webbusaiti icokuti “Kana Nakona Kufumana Manzwi Aomba-Omba mwa Bibele?”

•   Mubone mwaanakazi yabali kusebeza mu busole yabali kulihinda kuba muntu “mubi yasatwaalizi inkulo ku bamwi” mwa bawaanini insepo mwi Bibele. Mulweele ividiyo icokuti I Put Down My Rifle.

 Mupange mumuwoolela moonse kuti cilimo ca 2024 cibe cilotu kweenu ni ba luhasi lweenu. Mulitute ziingi kuamana ni Bibele mwiwoola kumitusikiza. Mulike intuto yeetu ya kuwambolinsana intuto yee Bibele. Mulitute Ireeza mwawoola kumihela “mihupulo yee nkozo” mwe yiinu nako mane ni “buhalo bulotu kubusu ni nsepo.”​—Jeremiya 29:11.