“Indaba za masheleñi ziina mu bukaabo hape,” mwa balemusezi mueteleli wee Bbanka ya World Bank Group mwi mpiho ya June 2022. “Mwe yiinu nako inteko zibaweleki ahulu cee nako iswana ni mpisinisi ziwiile.”

 “Inteko ya mafuta ni zilyo iwelekete cakulitahanela, mi iyi ndaba iamite ahulu inkaanda ziseena hande masheleñi,” mu bawambila bena International Monetary Fund.

 IBibele itutusa kuzuwisisa ibaka hatukopana ni bukaabo bwa kubula masheleñi, tuwoola kukolela bule ubu bukaabo, mi insepo yiina bule ituwoola kuba naayo ya kumaniswa tota kweyi miikalilo.

•   IBibele isumpa inako ituhala kwiili kuba “mazuba a mamani-mani.”—2 Timoteya 3:1.

•   Jesu abawambi kuti “ziintu zitiiza,” kamba inkezahalo zitiiza, ka zitondeze inako yiinu itwiina kwiili. (Luka 21:11) Kuweleka kwe nteko kutiiza. Bantu babilela za buhalo bwaabo bwa kubusu ni kubilela mweete ni bahazikize baluhasi lwaabo.

•   Imbuka ya mwi Bibele ya Kuzikula ibapolofiti za kuweleka kwe nteko ya zilyo mwi nako yeetu. “Cinazuwa ciintu cibali kuzuweka sina liinzwi. . . . Cicati, ‘Ikilo imwiina ya buloto kamba makilo ootatwe a mahira kaa wuzwe isheleñi ya sebeleza muntu izuba lyoonse.’”—Kuzikula 6:6, Intoloko ya Easy-to-Read Version.

 Kuti mulitute ziingi kaza “mazuba a mamani-mani” ni bupolofita bwe mbuka ya mwi Bibele ya Kuzikula, mulweele ividiyo ya Cisi Cibacinci Kuzwa Cilimo ca 1914 mubale hape ni ndaba yahe webbusaiti itakuti “Batiizi Bee Mbizi Boone—Njibaani?”

•   “Kaba zaake mazubo ni kuhala mwateni, mi kababyale zisamu ze veine ni kulya zicelo zateni. Keete ni bazaake mazubo kuti bamwi bahale mwateni, mi keete ni babyale zisamu kuti zicelo zateni ziliiwe ku bamwi.”—Isaya 65:21, 22.

•   “Kakube ni buheke buungi ahulu mucisi; kabube buungi ahulu hewulu lya malundu.”—Lisamu 72:16.

•   “‘Cebaka lyakuti banyandite balyatililwa, cebaka lya kutonga kwaabo, Kaniziime ni kuhinda muhato,” kuwamba Jehova.”—Lisamu 12:5. a

 Hahanu iLeza kaa manise bukaabo bwa kusalikanelela mu ndaba za masheleñi, insinyi bulyo mu nkaanda imwiina kono mucisi coonse. Kuti mubone mweete apangile bulyo, mubale indaba yahe webbusaiti “Kana Mwiikalilo wa Kulikanelela ku Masheleñi Uwooleka?”

 Kono nangati mwe yiinu inako, iBibele iwoola kututusa kukolela kuweleka kwe nteko. Bule? Yiina inkelezo iwoola kututusa mu kusebeliseza masheleñi. (Inguli 23:4, 5; Muwambi 7:12) Kuti mulitute ziingi, mubale indaba yahe webbusaiti “Musileleze Muhalilo Weenu” ni “Mumuwoola Kuhalila ca Masheleñi Manini.”