MUZWIILE-HABUSU KUTONDA!
Impaki za Jehova ni Kwihayiwa Ahulu kwa Bantu mu Cisi—IBibele Iwambanzi?
Kali 27 January 2023, buungi bwa bantu ka bahupule Izuba lya Kwihayiwa Ahulu kwa Bantu mu Cisi Coonse (International Holocaust Remembrance Day.) Ciintu cibilala ahulu ciba pangahali zilimo zihitilila 75 ku masule ciwoola kuletisa kuti mulibuuze ibaka iLeza haa basiilili uku kwihayiwa ahulu kwa bantu kupangahala.
Kuti muwaane ziiwamba iBibele, mubale indaba yahe webbusaiti “Ki Kabakalañi Hane Kubile ni Pulao Yesituhu ya Majuda? Ki Kabakalañi Mulimu Hanaa Ituhelezi?”
Buungi bwa Majuda baba amiwa ni kwihayiwa ahulu. Buungi-buungi babehayiwa mwi nzila ibalukiswa. Bantu ba mishobo yimwi naabo ba banyandiswa ni kwihayiwa ahulu mweyo nako. Bamwi kwaabo ibali Impaki za Jehova, ba banyandiswa cebaka lye ntumelo yaabo izimene he Bibele.
Kuti mulitute ziingi, mubale indaba yahe webbusaiti icokuti “Nekuezaheziñi Kwa Lipaki za Jehova ka Nako ya Pulao Yemaswe ya ba Nazi?”
“Buhalo bulotu bwa kubusu ni nsepo”
Buungi bwa bantu balikalililwe kuti ziintu ziswana sina kwihayiwa ahulu kwa bantu ziwoola kupangahala hape. Tulitumela ahulu, kakuti iBibele iwamba zee nako ya kubusu isete ni kupangahale izo ziintu.
“‘Kakuti niizi mihupulo yini minahanela,’ kuwamba Jehova, ‘ili mihupulo yee nkozo, insini yee nkozi, kumiha buhalo bulotu bwa kubusu ni nsepo.’”—Jeremiya 29:11. a
Iyi insepiso kayi pangahale inako Jehova iLeza ca hinda muhato wa kumanisa bubilala boonse ni zoonse zibaletiswa kubuli. Hahanu kaa:
Zwiise bantu babilala banyandisa bamwi.—Inguli 2:22.
Imulule bantu boonse banyanda.—Kuzikula 21:4.
Buuse babafwi kuti beeze bahale hape mu cisi.—Johani 5:28, 29.
Muwoola kusepa insepo isenga-senga ya mwi Bibele. Kuti mulitute ibaka, tumimema kulika intukiso yeetu yee ntuto yee Bibele isalihilwa.
a Jehova nji ziina tota lye Leza.—Lisamu 83:18.