Kulizuwa Buzunzu Kuyambite ku Bantu Suunu—Muwoola Kupanganzi kuti Saanzi Mulizuwi ahulu Buzunzu?
“Ihafu ya bakulwana bahala mwa U.S. babawambi kuti bakatezwe buzunzu, miloombwana ni bakazana basikula naabo bakopene ni bukaabo buswana.”—Bukaabo Buletiswe Kulikauhanya ku Bamwi: Kuwamba Caziba wa mwa U.S. Surgeon General Muelezi mu Ndaba za Butokwa bwa Kuba ni Ciyango ni Bamwi, 2023.
“[Inkopano Ibona za Makete mu Cisi Coonse] babawambi za katengo kahya kababumbwa kasumpwa Commission on Social Connection, kuti kawoole kutusa mu bukaabo bwa kulizuwa buzunzu buwoola kuletisa matuku, kutusa bantu kuba ni nako yiingi ya kuba ni bamwi ni kususuweza indaba iswana mu nkaanda zoonse.”—Inkopano Ibona za Makete mu Cisi Coonse (World Health Organization), 15 November 2023.
IBibele ituha inkelezo ya butokwa iwoola kututusa kuba ni balikani bawoola kututusa kusalizuwa ahulu buzunzu.
Zikuka zee Bibele ziwoola kututusa
Mufukuze ku ziintu zimikauhanya ku bamwi. Izo zikopanyeleza kulitusisa ahulu mawebbusaiti akutuminzana indaba. Kono, mube ni nako ya kupanga ziintu ni bamwi ni kupanga balikani bee niti.
Cikuka ca mwi Bibele: “Mulikani wee niti utondeza ilato cee nako zoonse, Mi abazalilwa kuti abe mukwe wa muntu mu nako zee nziyezi.”—Inguli 17:17.
Muwaane inako ya kutusa bamwi. Kupangila bamwi ziintu kakukozi bulyo cilikani kono kututusa kulizuwa hande.
Cikuka ca mwi Bibele: “Kwiina intabo inkaando mukuhaana izamba yiina mu kuhewa.”—Zicitantu 20:35.
Muye he webbusaiti yeetu kuti muwaane indaba za butokwa zizwa mwi Bibele ziwoola kumitusa kuba ni cilikani cikolete ni bamwi.
