Mu cisi coonse, buungi bwa bantu bakopene ni muunda ulete insinyehelo. Mubone impiho zicilila:

•   “Mu muleneñi mukaando wa mwa China ku basoki invula yiingi ahulu Lamugibelo kutwaala Labutatu kuhita icibasokete mu zilimo ziina 140 zicizibahiti kubetiki menzi a mamilimita asika mwa. . . 744.8 (29.3 inches).”—AP News, 2 August 2023.

•   “Mu mazuba oobele, Typhoon Khanun ibaleti invula yiingi ni luhuho lukaando kwa mbowela wa Japan, ni kwihaya bantu boobele. . . . Ulo luhuho lukaando luba kuwoola kuleta invula ikasika ha mamita alikana 0.6 (2 feet) mu cibaka ca malundu ca Taiwan.”—Deutsche Welle, 3 August 2023.

•   “Muunda ubabi kwateni mwi weekend [mwa Nova Scotia] ubaletwa invula yiingi ibasoki ahulu mu cikiliti ca mwa Canada ku mbali ni wate mu zilimo zisika ha 50 zicizibahiti.”—BBC News, 24 July 2023.

 IBibele iwambanzi hezi ziintu zikweete kupangahala?

 IBibele itondeza kuti tuhala mu nako isumpwa kuba “mazuba a mamani-mani.” (2 Timoteya 3:1) Jesu abapolofiti kuti mu nako zeetu, “katubone ziintu zitiiza,” kapa inkezahalo zitiiza. (Luka 21:11) Kucinca kwa mazimo ewulu nji kuletete inkezahalo zitiiza za mazimo ewulu zisalibelelwe, zipangahala inako ni nako ni zikaando zilihitize.

 IBibele ituwambila kuti ziintu zikweete kupangahala suunu ziswanela kutuha ibaka lya kuba ni nsepo. Ibakanzi? Jesu abawambi kuti: “Cimwabona izi ziintu ni zipangahala, mwiizibe kuti Mubuso wee Leza ciwiina hafwihi.”—Luka 21:31; Matewu 24:3.

 Ziintu zitubweene zikweete kupangahala zitondeza kuti mubuso wee Leza ciwiina hafwihi ni kuyendisa ziho za ziintu zibabumbwa.—Jobo 36:27, 28; Lisamu 107:29.

 Kuti mulilitute ziingi kuamana ni Mubuso wee Leza mweete ni umaniseze bukaabo bubakopana naabo bantu, mubone indaba yahe webbusaiti icokuti “Who Will Save the Earth?”