MUNGENDENGE WA BUTOKWA AHULU
Zeete Upange Mubuso wee Leza Kuamana ni Bukaabo bwa Masheleñi
Buungi bwa bantu mu cisi coonse bawaanite bukaabo bwa masheleñi kuti bawoole kulihaza, mi ubu bukaabo buzwiilile-habusu.
Kuya cee mpiho inhya ya cisi coonse, a ziintu “cizidula ahulu kuti bantu bawaanite bukaabo kuwula ziintu za butokwa.” Impiho iswana izwiila habusu kuwamba kuti haiba ni kusaabi ni ncinceho “kakube ni shutano inkaando ahulu mukati ka bafumite ni babotana” hape “buungi bwa babeleki ni mahasi aabo muhalilo waabo kawu boolele ahulu haansi.”
Kana mibuso kayiwoole kumanisa ubu bukaabo bwa masheleñi kapa kuleta incinceho?
IBibele italusa kuti kwiina mubuso uwoola ni weete niumanise bukaabo boonse bwa masheleñi, kukopanyeleza bulyo ni kusalikanela mukati ka bafumite ni babotana. Iwamba kuti “iLeza wa kwiwulu kaatome mubuso,” mubuso umwiina weete uyendise ziintu zoonse hanu haansi. (Danyele 2:44) Mu mpuso yowo mubuso, kakwiina yeete naa zibalwe kapa kusatwaalizwa inkulo. (Lisamu 9:18) Mubuso wee Leza kawubone kuti bantu babusiwa kuuli beena zibatokwa kuti babe basaangite. Boonse kabalikole mupuzo wa kusebeza katata kwa mayanza aabo.—Isaya 65:21, 22.
a International Labour Organization Global Wage Report 2022-23