MUNGENDENGE WA BUTOKWA AHULU
Zeete Upange Mubuso wee Leza Kuamana ni Makete Eetu
“Kali 22 May 2023 ba Dokota Tedros Adhanom Ghebreyesus, baeteleli ba Katengo ka World Health Organization, babawambi kuti: Cebaka lyakuti butuku bwa COVID-19 cibwaboolela haansi mu cisi coonse, katuswaneli kuhupula kuti cibwamaninina.Twiizi kuti kwiina butuku bumwi kubusu bweete bwiize, mi tuswanela kulitukiseza mwe yiinu nako.
Buungi bwa bantu banyanda ku mubili ni mumunahano cebaka lya ziintu zibaletwa ku butuku bwa COVID-19. Kana mibuso kapa inkopano za makete ka bawoole kulitukiseza za butuku bumwi bweete bwiize kubusu, kana bawoola kututusa ku matuku amwi a tulwaala?
IBibele iwamba za mubuso weete ututuse kuba ni makete eena hande. Iwamba kuti “iLeza wa kwiwulu kaatome mubuso,” kapa muuso. (Danyele 2:44) Uwo mubuso ciwatanga kubusa hanu haansi, “kakwiina yozaakite mu nkaanda yeete awambe kuti: ‘Nilwaala.’” (Isaya 33:24) Zumwi ni zumwi kaabe ni makete eena hande ni kuba ni ziho za ku buhya.—Jobo 33:25.