Mumwezi wa July ni August cilimo ca 2020, lweentanzi mizwale ni bancizye mucisi coonse kabalwele Mukopano mukaando cenako iswana. Kuti kuwoleke kupangahala bulyo, mukopano urekwedwe ubali kutokwahala kuti utolokiwe mumishobo ihitilila 500. Buniti feela, mutendo ukola ubu njounu uwola kuhinda cilimo kamba kuhitilila kuku onga-onga ni kuti ukamaane. Kono cebaka lya miikalilo ibaletiswa butuku bwa Corona buyambite cisi, batoloki ba Mukopano mukaando wa 2020 utakuti “Mube Basangite Cenako Zoonse”! ubatolokiwa oonse mumyezi isakwaani yoone.

Ikolo lye Nsebelezo ya Batoloki ni Beluko Libona za Kuwula Zisebeliso mucisi coonse ba kwi ofisi inkaando ibona za Mutendo we Mpaki za Jehova babatusi mowu mutendo mukaando. Ikolo lye Nsebelezo ya Batoloki baba lemuhi kuti bungi bwa zikwata za batoloki babeena butokwi bwa zisebeliso kuti bawole kupanga hande musebezi, ca mutala kuba wanina ma makrofooni. Ikolo lye Nsebelezo ya Batoloki baba lukisi kuti kuwuliwe ma makrofooni eena 1,000 mi cibaatumina muzibaka zilikana 200.

Ilikuti kanzi bashinyehelwa ahulu masheleñi, ma makrofooni aba wuliwa ca bungi, mi ma makrofooni aba twaalwa hacibaka cimwiina, mi kuzwaho ca tuminwa muzibaka zicincene zacisi. Cebaka lyokuti tubawuli ma makrofooni mangi imakrofooni ni makrofooni ibali kuwula $170 ya madola America, ku kopanyeleza ni nzila yawo kubali kusicipite ahulu.

Beluko Libona za Kuwula Zisebeliso babapangi intukiso ze nzila mumwezi wa April ni May 2020—iyo ibali inako umo bungi bwe pisinisi zibali kwiiyalitwe cebaka lyobu butuku buyambite cisi. Nihakuba bulyo, ku mamanisilizo omwezi wa May, bungi bwezibaka ze ntoloko, tutengo twa mitabi, mane ni zibaka zimwi kutolokelwa baba tambuli zisebeliso zisakahala.

“Mane ba Jay Swinney baokomela iluko Libona za Kuwula Zisebeliso mucisi coonse baba wambi buti: “kubeena kuwondinsana kushiyeme mukati ka maluko ahe Betele ni bee pisinisi kubali kuwuliwa zisebeliso cenako zowu mutendo,”mi cibazwiila-habusu kuwamba buti “Tubawoli kukondisa uwu mutendo wa kuwula zibali kusakahala centuso feela ya luhuho lwa Jehova”

Ba Nicholas Ahladis, basebeza kwiiluko lye Nsebelezo ya Batoloki, bawamba buti: “Batoloki babe yalilwe mucibaka cimwiina mweyo nako babasusuwezwa ahulu inako ibatambula zisebeliso. Nihakuba kuti kana babali kwiina hacibaka cimwiina ni batoloki bamwi bacikwata caabo, babali kusebeza hande hamwiina ni kurekoda ingambolo, zizano, ni nzimbo mu mishobo ihitilila 500.”

Uwu mutendo nji umwi wa mitendo mingi yi batendwa kuti tumanise Mukopano mukaando wa cilimo ca 2020 utakuti “Mube Basangite Cenako Zoonse”! ilikuti mizwale ni bancinzyeetu ba mucisi coonse balikole. Buhaani bweenu bwe nubu he intaneti ha donate.pr418.com mane ni cenzila zimwi bwawolisa kuti tuwole kuwula zintu zisakahala.