Kronika Wakutoma 18:1-17
18 Pidapita ndzidzi ungasi, Dhavidhi amenyana na Afilisti mbaakunda, pontho iye akwata nzinda wa Gati+ na pisa pya n’khundu mwace pyakuti pikhali m’manja mwa Afilisti.+
2 Buluka penepo iye akunda Moabhe,+ pontho anthu a ku Moabhe adzakhala mabitcu a Dhavidhi mbalipa misonkho kuna iye.+
3 Dhavidhi akunda mambo Adhadhezeri+ wa ku Zobha+ dhuzi na ku Amati,+ mu ndzidzi ukhaenda iye ku Nkulo wa Eufrate+ toera atome kutonga cisa ceneci.
4 Dhavidhi akwata ngolo 1.000 za Adhadhezeri, aphata anyamakavalo akukwana 7.000 na anyankhondo 20.000 akuti akhafamba na miyendo.+ Buluka penepo Dhavidhi agwanda uzingo* wa miyendo ya makavalo onsene akhakwewa ngolo za nkhondo, mbasiya makavalo 100 basi.+
5 Anthu a ku Sirya wa ku Dhamasku pidabwera iwo kudzaphedza Mambo Adhadhezeri wa ku Zobha, Dhavidhi apha anthu akukwana 22.000 a ku Sirya.+
6 Buluka penepo Dhavidhi aikha misoka ya anyankhondo ku Sirya wa ku Dhamasku, anthu a ku Sirya adzakhala atumiki a Dhavidhi mbalipa misonkho kuna iye. Yahova akhacitisa kuti Dhavidhi awine konsene kukhaenda iye.+
7 Kusiyapo pyenepi, Dhavidhi akwatira atumiki a Adhadhezeri maxango a ouro mbaenda nawo ku Yerusalemu.
8 Mambo Dhavidhi akwata nkuwa uzinji kakamwe ku Tibhati na ku Kuni yakuti ikhali mizinda ya Adhadhezeri. Salomoni aphatisira nkuwa unoyu toera kucita Bara ya nkuwa,+ mizati* na pyombo pya nkuwa.+
9 Pidabva Mambo Tou wa ku Amati kuti Dhavidhi akunda nsoka onsene wa anyankhondo a Adhadhezeri+ wa ku Zobha,+
10 mwakucimbiza iye atuma mwanace akhacemerwa Adhuramu kuna Mambo Dhavidhi toera akadziwe kuti iye ali tani na kuncita makolokoto thangwi yakumenyana na Adhadhezeri mbankunda, (Tou acita pyenepi thangwi kazinji kene Adhadhezeri akhamenyana na iye), pontho apasa Dhavidhi pinthu pya parata, pya ouro na pya nkuwa.
11 Mambo Dhavidhi apereka pinthu pyenepi kuna Yahova,+ pabodzi na parata na ouro yonsene idakwatira iye madzindza onsene a ku Edhomi na ku Moabhe, kuna Aamoni,+ Afilisti+ na Aamaleki.+
12 Abhisai+ mwana wa Zeruya+ apha Aedhomi akukwana 18.000 n’Gowa ya Munyu.+
13 Iye aikha misoka ya anyankhondo mu Edhomi, pontho Aedhomi onsene adzakhala atumiki a Dhavidhi.+ Yahova akhacitisa kuti Dhavidhi awine konsene kukhaenda iye.+
14 Dhavidhi apitiriza kutonga Aizraeli onsene,+ pontho mbumba yace yonsene iye akhaitonga mwadidi na mwakulungama.+
15 Yoabhe mwana wa Zeruya akhali nkulu wa anyankhondo,+ Yosafate+ mwana wa Ailudhi akhali nyakulemba pyonsene pikhacitika,
16 Zadhoke mwana wa Aitubhe na Aimeleki mwana wa Abhiyatari akhali anyantsembe, mbwenye Savisa akhali mulembi.
17 Bhenaya mwana wa Yeoyadha akhali ntsogoleri wa Akereti+ na wa Apeleti.+ Pontho ana amuna a Dhavidhi adzakhala atsogoleri akulu a mambo.
