Kronika Waciwiri 27:1-9
-
Yotamu mambo wa ku Yuda (1-9)
27 Yotamu+ akhali na pyaka 25 pyakubalwa pidakhazikiswa iye ninga mambo, pontho atonga pyaka 16 mu Yerusalemu. Mai wace akhacemerwa Yerusa, pontho iye akhali mwana wa Zadhoke.+
2 Iye apitiriza kucita pinthu pyadidi pamaso pa Yahova, ninga pikhacita+ Uziya wakuti ndi babace. Mwakusiyana na babace, iye nee akakamira toera kupita mu templo ya Yahova.+ Mbwenye mbumba ikhapitiriza kucita pinthu pyakuipa.
3 Iye amanga nsuwo ukulu wapadzulu wa panyumba ya Yahova,+ pontho iye amanga mpanda wa Ofeli.+
4 Iye amangambo mizinda+ kucisa ca ku mapiri ca ku Yuda,+ mipanda+ na nyumba za ndzulu+ m’misitu.
5 Iye amenyana na mambo wa Aamoni+ mbaakunda, buluka penepo mu caka ceneci Aamoni ampasa matalento* 100 a parata, makoro* 10.000 a tirigu na makoro 10.000 a sevadha. Aamoni amulipambo pinthu pibodzi pyene mu caka caciwiri na caka cacitatu.+
6 Penepo Yotamu adzakhala wamphambvu kakamwe thangwi akhali dzololo toera kufamba munjira za Yahova Mulungu wace.
7 Mphangwa zinango zinalonga pya umaso wa Yotamu, nkhondo zonsene zidamenya iye na pinthu pidacita iye, zalembwa m’Bukhu ya Amambo a ku Izraeli na a ku Yuda.+
8 Iye akhali na pyaka 25 pyakubalwa pidakhazikiswa iye ninga mambo, pontho atonga pyaka 16 mu Yerusalemu.+
9 Pakumalisa, Yotamu afa ninga pidacita ambuyace, mbaikhwa munthumbi mu Nzinda wa Dhavidhi.+ Pontho mwanace anacemerwa Ahazi adzakhala mambo pa mbuto yace.+
Pidzindikiro Pyapantsi
^ Talento ibodzi ikhalemera makilu 34,2. Onani Apendise B14.
^ Koro ibodzi ikhapita malitru 220. Onani Apendise B14.
