Samweli Waciwiri 1:1-27
1 Pidafa Sauli, Dhavidhi wakuti akhadabwerera buluka kakunda* Aamaleki, akhala ku Zikilage+ mu ntsiku ziwiri.
2 Pa ntsiku yacitatu, afika mamuna m’bodzi buluka ku misasa ya Sauli, nguwo zace zikhadapanduka, pontho akhali na mataka munsolo mwace. Pidafika iye dhuzi na Dhavidhi, agodama mbakotamisa nsolo wace mpaka pantsi, buluka penepo agona pantsi.
3 Dhavidhi ambvundza: “Wabuluka kupi?” Iye atawira: “Ine ndathawa ku misasa ya Izraeli.”
4 Dhavidhi ambvundza: “Ninji pidacitika? Ndaphata miyendo, ndipange.” Iye atawira: “Anyankhondo a Izraeli athawa, pontho azinji a iwo aphiwa. Sauli na mwanace anacemerwa Yonatani aphiwambo.”+
5 Buluka penepo, Dhavidhi abvundza m’phale unoyu adam’bweresera mphangwa: “Wadziwa tani kuti Sauli na mwanace anacemerwa Yonatani afa?”
6 M’phale atawira: “Pyacitika kuti ine ndikhali Paphiri ya Jilbhowa,+ penepo ndaona Sauli mbakatsigiririka na dipa yace, pontho anyankhondo anafamba na ngolo na anyamakavalo akhanfendedzera dhuzi.+
7 Pidazungunuka iye mbandiona, andicemera, ine ndantawira: ‘Ndiri pano!’
8 Iye andibvundza: ‘Iwe ndiwe ani?’ Ine ndatawira: ‘Ndine m’bodzi wa Aamaleki.’+
9 Buluka penepo iye alonga: ‘Ndaphata miyendo, bwera udzandiphe pyako, ndiri kuthabuka kakamwe, mbwenye ndidzati kufa.’
10 Natenepa ine ndaenda kuna iye mbindimupha,+ thangwi ndikhadziwa kuti iye nee mbadapulumuka nakuti akhadaphekeswa kakamwe. Buluka penepo ndakwata nthimba ikhali munsolo mwace na pulusera ikhali mu nkono mwace mbandibwera napyo kuna imwe mbuyanga.”
11 Natenepa Dhavidhi aphata nguwo zace mbazipandula, pontho amuna onsene akhali na iye acitambo pibodzi pyene.
12 Iwo atsukwala, alira, acita jejuu+ mpaka namaulo thangwi Sauli, mwanace anacemerwa Yonatani, anthu azinji a mbumba ya Yahova na Aizraeli+ azinji aphiwa na supada.
13 Dhavidhi abvundza m’phale unoyu adam’bweresera mphangwa: “Ndiwe wa kupi?” Iye atawira: “Ndine mwana wa munthu wa dziko inango, m’bodzi wa Aamaleki.”
14 Buluka penepo Dhavidhi ambvundza: “Thangwi yanji iwe nee wagopa kupha nyakudzodzwa wa Yahova?”+
15 Natenepa Dhavidhi acemera m’bodzi mwa aphale ace mbampanga: “Muphe.” Penepo iye antema na supada mbafa.+
16 Dhavidhi ampanga: “Mulando wa ciropa cako uli na iwe, thangwi mulomo wako wapereka umboni mbulonga: ‘Ine ndapha nyakudzodzwa wa Yahova.’”+
17 Natenepa Dhavidhi aimba nyimbo yaciliro thangwi ya Sauli na mwanace anacemerwa Yonatani,+
18 pontho iye alonga kuti anthu a mu Yuda asafunika kupfundziswa nyimbo ineyi yaciliro inacemerwa “Uta,” yakuti yalembwa m’bukhu ya Yasari:+
19 “Iwe Izraeli, kubalika kwako kwaphiwa padzulu pa mapiri.+
Onani, anthu amphambvu aphiwa!
20 Lekani kulonga pyenepi ku Gati;+Lekani kulonga pyenepi m’miseu ya ku Asikaloni,Gopa ana akazi a Afilisti anadzakomerwa,Gopa ana akazi a amuna akukhonda kusidzwa anadzatsandzaya.
21 Imwe mapiri a ku Jilbhowa,+Lekanibve kukhala na bume peno kubvumbirwa na madzi,Minda ya mapiri anewa mbileke kubala misapo yakuti inaperekwa kuna Mulungu,+Thangwi xango ya amuna amphambvu yapaswa manyadzo kweneku,Xango ya Sauli nee yadzodzwabve na mafuta.
22 Uta wa Yonatani nee ukhakhwica,+Pontho supada ya Sauli nee ikhakhwicambo.+Uta na supada pyapha anyankhondo amphambvu mbapisamba ciropa ca anyamalwa.
23 Sauli na Yonatani+ akhafunana, pontho akhatsalakanana mwadidi unango na ndzace pikhali iwo m’maso,Maseze pakufa, iwo nee asiyana.+
Iwo akhathamanga kakamwe kupiringana capungu,+Akhali amphambvu kakamwe kupiringana nkhalamu.+
24 Imwe ana akazi a Izraeli, lirani Sauli,Ule adakubvazikani nguwo zakufuira na zadidi kakamwe,Ule adaikha pyakubalikisa pya ouro mu nguwo zanu.
25 Afadi anthu amphambvu kunkhondo!
Yonatani aphiwa padzulu paphiri!+
26 Ine ndatsukwala kakamwe thangwi ya iwe, m’bale wanga Yonatani;Iwe ukhali wakufunika kakamwe kuna ine.+
Ufuni wako ukhali ukulu kakamwe kuna ine kupiringana ufuni wa akazi.+
27 Afadi anthu amphambvuPontho pida pya nkhondo pyamala kufudzwa!”
Pidzindikiro Pyapantsi
^ Peno: “kapha.”
