Masalmo 142:1-7
Masikili.* Phembero idacita Dhavidhi pikhali iye mʼmphako.+
142 Na fala yanga ndisakhuwira Yahova toera andiphedze;+Na fala yanga ndisadembetera Yahova toera andibvere ntsisi.
2 Ine ndisalonga kuna iye pinthu pinandidzudzumisa;Ine ndisalonga nyatwa zanga kuna iye,+
3 Ndingakhala wakusowa mphambvu.
Imwe musaonera njira zanga.+Mʼmbuto zinafamba ine,
Iwo asanditeyera nsampha toera kundimanga.
4 Yangʼanani kukhundu yanga yamadyo, pontho onaniKuti nkhabepo munthu ananditsalakana.*+
Nkhabe mbuto yakuti ine ndinakwanisa kuthawira;+Pontho nkhabe munthu anadzudzumika na ine.*
5 Ine ndisakucemerani Yahova toera kuphemba ciphedzo.
Ine ndalonga: “Imwe ndimwe pakuthawira panga,+Ndimwe pinthu pyonsene piri na ine mu umaso wanga.”
6 Bveserani nʼkhuwo wanga wakuphemba ciphedzo,Thangwi ndiri kutamba nyatwa zizinji.
Ndipulumuseni kuna ale ananditcinga,+Thangwi iwo ndi amphambvu kakamwe kupiringana ine.
7 Ndibuluseni nkaidiToera ndisimbe dzina yanu.
Anyakulungama mbagumanyikane nʼkhundu mwangaThangwi imwe musanditsalakana mwadidi.
Pidzindikiro Pyapantsi
^ Onani Mabvekero a Mafala Anango.
^ Fala na Fala: “anandidzindikira.”
^ Peno: “na umaso wanga.”
