Misangani 3:1-35
3 Mwananga, leka kuduwala pinakupfundzisa ine,*Pontho bvera matongero anga na ntima wako onsene,
2 Ungacita pyenepi, unadzakhala na umaso mu pyaka pizinji,Pontho unadzakhala muntendere.+
3 Leka kusiya kupangiza ufuni wakukhonda mala na kukhulupirika.+
Pimangire nʼkhosi mwako;Mbupilemba muntima mwako;+
4 Natenepa, unadzakhala wakutawirika na waudziwisi,Pamaso pa Mulungu na pa anthu.+
5 Nyindira Yahova+ na ntima wako onsene,Leka kunyindira ndzeru zako.+
6 Usafunika kunkumbukira munjira zako zonsene,+Iye anadzalungamisa njira zako.+
7 Leka kuoneka wekhene ninga munthu waudziwisi.+
Gopa Yahova mbucalira pinthu pyakuipa.
8 Pyenepi pinadzawangisa manungo ako,*Mbapipasa mphambvu magogodo ako.
9 Lemedza Yahova na pinthu pyako pyakufunika,+Na misapo yako yonsene yakutoma kutokota;*+
10 Penepo, nyumba zako zakukoyera pinthu zinadzala* na pinthu pyadidi,+Nkhali zako zinadzala na vinyu ipswa mpaka kutayikira.
11 Mwananga, leka kukhonda ungalangwa na Yahova,+Pontho leka kuipirwa iye angakusandika,+
12 Thangwi Yahova asalanga ale anafuna iye,+Ninga pinacita baba kuna mwana anafuna iye.+
13 Nyakutsandzaya ndi munthu anagumana udziwisi,+Na munthu anagumana luso yakubvesesa;
14 Kuwina udziwisi ndi kwadidi kakamwe kupiringana kuwina parata,Pontho kuugumana ndi kwadidi kakamwe kupiringana kugumana ouro.+
15 Udziwisi ndi wakufunika kakamwe kupiringana miyala ya ntengo ukulu ya mʼbara;Nkhabepo cinthu cinafuna iwe cakuti cinakwanisa kulandaniswa na udziwisi.
16 Umaso wa ntsiku zizinji uli mu djanja yace yamadyo;Mpfuma na mbiri piri mu djanja yace yabzwere.
17 Njira zace ndi zakutsandzayisa,Pontho njira zace zonsene ndi zantendere.+
18 dziwisi ndi muti wa umaso kuna ale anauphatirira,Pontho ale anapitiriza kuuphatirira anadzacemerwa anyakutsandzaya.+
19 Yahova atomesa dziko yapantsi mwaudziwisi.+
Na ndzeru zace, iye akhazikisa kudzulu mwakuwanga.+
20 Thangwi ya udziwisi wace madzi akuzika agawika,Pontho makole asagwisa bume.+
21 Mwananga, leka kuduwala pinthu pyenepi.*
Tsidzikiza udziwisi na luso yakunyerezera;
22 Ipyo pinakupasa umaso,Mbapikhala ninga pyakubalikisa nʼkhosi mwako;
23 Natenepa unadzafamba mwakutsidzikizika munjira yako,Pontho mwendo wako cipo unadzagwegweduka.+
24 Ungagona nee unadzagopa cinthu;+Iwe unadzagona, citulo cako mbacikhala cakutsandzayisa.+
25 Iwe nee unadzagopa cinthu cakugopswa cinacitika mwakututumusa,+Nee kugopa condzi cinadzera anthu akuipa.+
26 Thangwi Yahova anadzakhala cinyindiro cako;+Iye anadzatsidzikiza mwendo wako ku misampha.+
27 Leka kusiya kucita pinthu pyadidi kuna munthu anafunika iwe kucitira pinthu pyadidi,+Khala unakwanisa kumʼphedza.+
28 Leka kupanga ndzako kuti: “Ndoko, bwera ndzidzi unango! Ine ndinakupasa mangwana,”
Khala iwe unakwanisa kumpasa cincino.
29 Leka kucita masasanyiro toera kucitira ndzako+ pyakuipa,Wakuti asakhala mwakutsidzikizika na iwe.
30 Leka kulongezana na munthu mwakusowa mathangwi,+Khala iye nee akucitira cinthu cakuipa.+
31 Leka kucitira bibvu munthu wakuipa,+Nee kutowezera makhaliro ace,
32 Thangwi Yahova asaida munthu anacita pinthu mwaciphamaso,+Mbwenye ali na uxamwali wakuwanga na anthu akulungama.+
33 Dzedze ya Yahova iri panyumba ya munthu wakuipa,+Mbwenye iye asapasa nkhombo nyumba ya munthu wakulungama.+
34 Thangwi iye asaseka anyakusingirira,+Mbwenye asabvera ntsisi anthu adidi.+
35 Anyaudziwisi anadzalemedzwa,Mbwenye madzemwa asalemedza pinthu pyakupasa manyadzo.+
Pidzindikiro Pyapantsi
^ Peno: “mwambo wanga.”
^ Fala na Fala: “ncombo.”
^ Peno: “misapo yako yonsene yadidi kakamwe.”
^ Peno: “pikwa pyako pinadzadzala.”
^ Pisaoneka kuti ndi makhaliro a Mulungu adalongwa mʼmavesi a nduli.
