Nyimbo ya Salomoni 1:1-17
-
Nyimbo yadidi kakamwe (1)
-
Ntsikana (2-7)
-
Akazi a ku Yerusalemu (8)
-
Mambo (9-11)
-
“Ife tinakucitira mikufu ya ouro” (11)
-
-
Ntsikana (12-14)
-
‘Wakufunika wanga ndi ninga budu ingʼono ya mafuta akununkhira a mira’ (13)
-
-
Nkumbizi (15)
-
“Wakufunika wanga, iwe ndiwe wakubalika”
-
-
Ntsikana (16, 17)
-
“Wakufunika wanga, iwe ndiwe wakubalika” (16)
-
1 Nyimbo yadidi kakamwe ya Salomoni:+
2 “Ndimpswompswone na mulomo wako,Thangwi ufuni unapangiza iwe ndi wadidi kakamwe kupiringana vinyu.+
3 Khwema ya mafuta ako ndi yadidi kakamwe.+
Dzina yako ndi ninga mafuta akununkhira anathirirwa munsolo.+
Na thangwi ineyi, atsikana asakufuna.
4 Ndikwate, tende tithamange.
Thangwi mambo andipitisa nkwartu mwace!
Tende tikomerwe, mbatitsandzaya pyathu.
Tende tilonge* pya ufuni wako, wakuti ndi wadidi kakamwe kupiringana vinyu.
Na thangwi ineyi iwo* asakufuna.
5 Imwe akazi a ku Yerusalemu, ine ndine wakupswipirira,* mbwenye ndine wakubalika,Ninga misasa ya ku Kedhari,+ ninga nguwo zinaphimbira nsasa+ wa Salomoni.
6 Lekani kundiyangʼana thangwi yakukhala kwanga wakupswipirira,*Thangwi dzuwa ndiyo idandipisa.
Abale anga amuna aipirwa na ine;Iwo andituma toera ndiende kaonere minda ya mauva,Natenepa, ine nee ndakwanisa kuonera munda wanga wa mauva.
7 Ndipange iwe anafuna ine kakamwe,Usaenda kadyesa kupi pifuyo pyako?+Usaenda kapipumisa kupi namasikati?
Thangwi yanji ndisafunika kufamba pakati pa mikumbi ya axamwali ako,Ninga nkazi adaphimbira nkhope yace na nguwo yaciliro?”
8 “Iwe nkazi wakubalika kupiringana onsene, khala nee usadziwako,Pita na mule mudapita na mikumbi ya pifuyo,Kwata mbuzi zako toera uzidyese cifupi na misasa ya akumbizi.”
9 “Iwe wanga wakufunika, kwa ine, iwe walandana na kavalo ikazi pakati pa ngolo za Farau.+
10 Maputu ako ndi akubalika na mphete zako,*
Pontho khosi yako ndi yakubalika na mikufu ya usanga.
11 Ife tinakucitira mikufu ya ouro,Mbatiibalikisa na parata.”
12 “Mu ndzidzi wakuti mambo ali pameza yace,Mafuta anga akununkhira*+ asabulusa khwema yace.
13 Kwa ine, wakufunika wanga ndi ninga budu ingʼono ya mafuta akununkhira a mira,+Yakuti namasiku isakhala pakati pa mabere anga.
14 Kwa ine, wakufunika wanga ndi ninga tsandzo ya maluwa a muti wa hena,+Pakati pa minda ya mauva a ku Eni-Jedhi.”+
15 “Wakufunika wanga, iwe ndiwe wakubalika!
Iwe ndiwe wakubalika! Maso ako ndi ninga a nkhangaiwa.”+
16 “Wakufunika wanga, iwe ndiwe wakubalika, iwe ndiwe wakubalika kakamwe!+
Talimba yathu iri pakati pa masamba.
17 Ntsoi ya nyumba yathu,Ndi ya miti ya sedhro na junipero.
Pidzindikiro Pyapantsi
^ Peno: “Tende ticedze.”
^ Na thangwi ineyi, atsikana asakufuna.
^ Peno: “wakubithimira.”
^ Peno: “wakubithimira.”
^ Munjira inango: “pakati pa tsisi yako yakulukwa.”
^ Fala na Fala: “Mafuta anga a nardho.”
