Nyimbo ya Salomoni 7:1-13
7 “Iwe ntsikana wadidi,Miyendo yako ndi yakubalika kakamwe mʼmasandalya ako!
Ntcafu zako ndi zakubalika ninga pyakubalikisa manungo,Pidacitwa na amesiri aluso kakamwe.
2 Ncombo wako ndi ninga ndiko,
Yakuti cipo musasoweka vinyu yakubvungazwa.
Mimba yako ndi ninga nkuku wa tirigu,Udazungulirwa na maluwa.
3 Mabere ako ndi ninga ana awiri a mbawala,Ana a mamphasa a mbawala.+
4 Khosi yako+ ndi ninga nyumba yandzulu idamangwa na nyanga za ndzou.+
Maso ako+ ndi ninga madzi a ku Esibhoni,+Cifupi na nsuwo wa ku Bhati-Rabhimu.
Mphuno yako ndi ninga nyumba yandzulu ya ku Libhano,Idayangʼana kukhundu ya ku Dhamasku.
5 Nsolo wako ndi wakubalika ninga Phiri ya Karmelo,+Tsisi yako+ ndi ninga maweya a mabira adakhwazwa pinthu pyakufuirira,+
Mambo asakwatika ntima* na kubalika kwa tsisi yako yakulapha.
6 Iwe ntsikana wakufunika na wakubalika kakamwe,Ndiwe wakutsandzayisa kakamwe kupiringana pinthu pyonsene pyakutsandzayisa ntima!
7 Cimo cako ndi ninga muti wa nʼdikhwa,Mabere ako ndi ninga matsandzo a ntcindu.+
8 Ine ndalonga: ‘Ndinakwira mu nʼdikhwa,Toera nditcode misapo yace.’
Mabere ako mbakhale ninga matsandzo a mauva,Khwema ya muya wako mbikhale ninga kununkhira kwa masau;
9 Mulomo wako mbukhale ninga vinyu yadidi kakamwe.”
“Iyo mbidjodje mpaka pa kholongo ya wakufunika wanga,Mbiwewa mwapangʼono-pangʼono pa milomo ya ale anagona.
10 Ine ndine wa wakufunika wanga,+Iye asandifuna.
11 Bwera iwe wakufunika wanga,Tende kunja kwa nzinda;Tende tikhale pyathu pa miti ya hena.+
12 Tilamuke nakweru toera tiende kuminda ya mauva,Toera tione khala miti ya mauva yaphukira,Khala maluwa abuluka,+Khala miti ya roma iri na maluwa.+
Kweneko ine ndinapangiza ufuni wanga kuna iwe.+
13 Misapo ya mandhragora+ isamwaza khwema yace;Cifupi na misuwo yathu pali na mitundu yonsene ya misapo yadidi.+
Misapo ipswa na yakuuma,*Wakufunika wanga, misapo ineyi ndaikoyera iwe.
