Nyimbo ya Salomoni 8:1-14
-
Ntsikana (1-4)
-
“Mbapidakhala mwadidi mbudakhala mʼbale wanga wamamuna” (1)
-
-
Abale ace ntsikana (5a)
-
‘Mbani unoyu anabwera, wakuti atsamira wakufunika wace?’
-
-
Ntsikana (5b-7)
-
“Ufuni ndi wakuwanga ninga kufa” (6)
-
-
Abale ace ntsikana (8, 9)
-
“Iye angakhala mpanda, . . . mbwenye iye angakhala nsuwo, . . .” (9)
-
-
Ntsikana (10-12)
-
“Ine ndine mpanda” (10)
-
-
Nkumbizi (13)
-
‘Ndisiye ndibvesere fala yakoʼ
-
-
Ntsikana (14)
-
“Thamanga mwakucimbiza ninga mbawala”
-
8 “Mbapidakhala mwadidi mbudakhala mʼbale wanga wamamuna,Adayamwa mabere a mai wanga!
Mbidakugumana kunja, ine mbidakumpswompswona,+Pontho nkhabe munthu akhafuna kundipwaza.
2 Ine mbidaenda na iwe;Mbandikupitisa nʼnyumba mwa mai wanga,+Ule adandipfundzisa pinthu pizinji.
Mbidakupasa vinyu yakununkhira mwadidi toera umwe,Na sumu yakutapira ya misapo ya romaa.
3 Nkono wako wabzwere mbudaphata nsolo wanga,Mbundikhumbatira na nkono wako wamadyo.+
4 Ine ndisakudumbirisani imwe akazi a ku Yerusalemu,
Lekani kundicitisa kuti ndifune munthu, mpaka ndzidzi ungakwana.”+
5 “Mbani unoyu anabwera buluka kuthando,Wakuti atsamira wakufunika wace?”
“Ine ndakulamusa pantsi pamuti wa masau.
Penepo mai wako abva kupha mu ndzidzi udakubala iye.
Iye abva kupha penepo pidakubala iye.
6 Ndiikhe ninga cidzindikiro* muntima mwako,Ninga cidzindikiro pa nkono wako,Thangwi ufuni ndi wakuwanga ninga kufa,+Ufuni usaphemba kukhulupirika na ntima onsene ninga Masiye* akuti nkhabe kubwerera nduli.
Ufuni ndi ninga malirimi a moto wakugaka, lirimi ya moto wa Yah.*+
7 Madzi mazinji nkhabe kwanisa kuthimisa ufuni,+Pontho ufuni nkhabe kulobzweka na mphambvu ya kuwewa kwa madzi a mikulo.+
Munthu angapereka pinthu pyonsene pyadidi pya nʼnyumba mwace toera akhale na ufuni,Anthu mbadapwaza pinthu pyenepi.”*
8 “Ife tiri na mʼbale wathu wankazi wakuti ndi wangʼono,+Iye adzati kubuluka mabere.
Tinacitanji na mʼbale wathu wankazi,Pa ntsiku inafuna iye kubvundzirwa toera kumanga banja?”
9 “Iye angakhala mpanda,Ife tinamanga mpanda ungʼono wa parata padzulu pace,Mbwenye iye angakhala nsuwo,Ife tinanfunga na tabwa ya sedhro.”
10 “Ine ndine mpanda,Mabere anga ndi ninga nyumba za ndzulu.
Natenepa, pamaso pace ine ndadzakhala,Ninga munthu wakuti ali muntendere.
11 Salomoni akhali na munda wa mauva+ ku Bhaale-Amoni.
Munda unoyu wa mauva ausiya mʼmanja mwa anyakulima.
Mʼbodzi na mʼbodzi akhamʼbweresera kobiri 1.000 za parata thangwi ya misapo yace.
12 Ine ndiri na munda wa mauva wakuti ndi wanga basi.
Salomoni, kobiri 1.000 za parata ndi zako,Pontho kobiri 200 za parata ndi za ale anaonera misapo yako.”
13 “Iwe wakuti usakhala mu mbuto zakubalika,+Andzanga asabvesera fala yako.
Ndisiye ndibveserembo fala yako.”+
14 “Thamanga wakufunika wanga,Thamanga mwakucimbiza ninga mbawala,+Peno ninga mwanantsengo,Padzulu pa mapiri a miti yakununkhira.”*
Pidzindikiro Pyapantsi
^ “Yah” ndi dzina ya Yahova ingalembwa mwacigwagwa.
^ Peno: “Seoli,” ndi kumasiye kunaikhwa anthu onsene. Onani Mabvekero a Mafala Anango.
^ Peno: “selo.”
^ Munjira inango: “mbadapwaza munthu unoyu.”
^ Peno: “ya bhalsamu.”
