Yobe 14:1-22
-
Yobe apitiriza kulonga (1-22)
14 Munthu adabalwa na nkazi,Ali na umaso wa ndzidzi wakucepa,+ pontho wadzala na nyatwa.+
2 Asaphukira ninga maluwa, buluka penepo mbabunyala;+Iye asathawa ninga n’thundzi, mbazambazika.+
3 Imwe musamuyang’ana,Pontho musaenda naye katongwa.+
4 Kodi munthu wakudawa anakwanisa kubala munthu wakusowa madawo?+
Nkhabe kwanisika!
5 Ntsiku za munthu zisadziwika,Pontho numero ya miyezi yace iri na imwe;Imwe mwakhazikisa madire toera iye akhonde kuapiringana.+
6 Siyani kumuyang’ana toera iye apume,Mpaka amalise ntsiku yace ninga pinacita nyaganyo-ganyo.+
7 Ngakhale muti uli na cidikhiro.
Ungagwandwa, unaphukira pontho,Nthawi zace mbazipitiriza kukula.
8 Mitcici yace ingakalamba pantsi pa mataka,Citca cace mbacifa pa mataka,
9 Ungabva khwema ya madzi,* iwo unaphukira;Unadzakhala pontho na nthawi ninga muti upswa.
10 Mbwenye munthu asafa, mphambvu zace mbazimala;Mphapo munthu angafa, asaenda kupi?+
11 Madzi asazambazika m’bara,Pontho nkulo usapwa, mbuuma.
12 Munjira ibodzi ene, munthu asagona* mbakhonda kulamuka.+
Iye nee analamuka, mpaka kudzulu kungazambazika,Nee anadzalamuswa ncitulo cace.+
13 Mbipidakhala mwadidi mbamudandibisa pyanu Munthumbi,*+Mbamudandibisa mpaka kuipirwa kwanu kumale,Mbamukhazikisa ndzidzi toera kundikumbukira!+
14 Kodi munthu angafa, anakwanisa kukhala pontho na umaso?+
Ine ndinadikhira ntsiku zonsene za basa yanga yakukakamizwa,Mpaka kusudzulwa* kwanga.+
15 Imwe munandicemera, ine mbandikutawirani.+
Munadzatsuwa basa ya manja anu.
16 Mbwenye cincino, imwe musalengesa thanyo yanga ibodzi na ibodzi;Basi ene musaona madawo anga.
17 Madawo anga afungirwa mwadidi m’budu,Madodo anga musaafungira na kola.
18 Ninga phiri isagwa, mbifudzika,Mwala mbubuluka pa mbuto pawo,
19 Ninga madzi asanyenyena miyala,Pontho angakuka asakwata mataka,Munjira ibodzi ene, imwe musafudza cidikhiro ca munthu.
20 Musapitiriza kunkunda mpaka iye kufa;+Musacinja maonekero ace, mbamunsiya toera aende.
21 Anace asalemedzwa, mbwenye iye nkhabe kupidziwa;Iwo asakhala akupwazika, mbwenye iye nkhabe kupiona.+
22 Iye asabva kupha m’manungo mwace;Pontho asalira basi ene mbadzati kufa.”
Pidzindikiro Pyapantsi
^ Peno: “Ungabvumbirwa pang’ono basi.”
^ Peno: “asafa.”
^ Peno: “Seoli,” ndi kumasiye kunaikhwa anthu onsene. Onani Mabvekero a Mafala Anango.
^ Peno: “kuombolwa.”
