Kucepeseka
Yahova asaona tani anthu akucepeseka na akudzikuza?
Mas 138:6; Mis 15:25; 16:18, 19; 22:4; 1Pe 5:5
Pontho onani Mis 29:23; Iza 2:11, 12.
-
Pitsandzo pya m’Bhibhlya pyakuti pinatiphedza:
-
2Kr 26:3-5, 16-21—Mambo Uziya adzakhala wakudzikuza. Iye nee abvera Mwambo wa Mulungu, pontho aipirwa pidasandikwa iye na anyantsembe; na thangwi ineyi, Mulungu ancitisa kukhala na utenda wa matanya.
-
Luk 18:9-14—Yezu alonga nsangani toera kupangiza kuti Yahova asapibva tani angabvesera maphembero a anthu akudzikuza na akucepeseka.
-
Yahova asacitanji kuna munthu anatcunyuka mwakucepeseka, pontho na ntima onsene?
-
Pitsandzo pya m’Bhibhlya pyakuti pinatiphedza:
-
2Kr 12:5-7—Mambo Robhoamu na atsogoleri a mu Yuda acepeseka pamaso pa Yahova, pontho nee afudzwa.
-
2Kr 32:24-26—Mambo wadidi Ezekiya akhali wakudzikuza, mbwenye pidacepeseka iye Yahova amulekerera.
-
Kukhala akucepeseka kusatiphedza tani toera tipitirize kubverana mwadidi na anango?
Aef 4:1, 2; Afi 2:3; Akl 3:12, 13
-
Pitsandzo pya m’Bhibhlya pyakuti pinatiphedza:
-
Gen 33:3, 4—Yakobe pidadziwa iye kuti panango m’bale wace Ezau aciri wakuipirwa, iye acepeseka kakamwe mbaenda kaonana naye, pontho pyenepi pyacitisa kuti iwo akhazikise ntendere.
-
Ato 8:1-3—Ntongi Jidhiyoni acepeseka pidalonga iye kuti amuna a ku Efraimu akhali amphambvu kakamwe kupiringana iye, pyenepi pyacitisa kuti iwo akhale akukhurudzika mbacalira kumenyana.
-
Yezu Kristu apfundzisa tani kufunika kwa kukhala akucepeseka?
Mat 18:1-5; 23:11, 12; Mar 10:41-45
-
Pitsandzo pya m’Bhibhlya pyakuti pinatiphedza:
-
Iza 53:7; Afi 2:7, 8—Ninga mukhadalongerwa ipyo, Yezu acepeseka mbatawira kubwera pa dziko yapantsi. Iye atawira kufa munjira yakunentsa kakamwe na yakupasa manyadzo.
-
Luk 14:7-11—Yezu alonga nsangani thangwi yakusankhula mbuto zadidi kakamwe pa phwando toera kupangiza kufunika kwakukhala akucepeseka.
-
Ju 13:3-17—Yezu apangiza citsandzo cakucepeseka kuna atowereri ace, pidacita iye basa yakupwazika mbatsuka miyendo ya apostolo ace.
-
Kukhala na maonero adidi thangwi ya ife na anango kunatiphedza tani toera tikhale akucepeseka?
Thangwi yanji kucepeseka kwaciphamaso ndi kwakusowa basa?