Pitsandzo pya m’Bhibhlya pyakuti pinatiphedza:

• Gen 24:1-4, 7—Mbuto mwakusiya kuti mwanace Izaki amange banja na nkazi wa ku Kanani wakuti akhalambira alungu anango, Abhrahamu wakuti akhadakalamba asakira mwanace nkazi wakuti akhalambira Yahova.

• Gen 28:1-4—Izaki apanga mwanace Yakobe toera akhonde kumanga banja na nkazi wa ku Kanani, mbwenye asake nkazi pakati pa ale akhalambira Yahova.

Pitsandzo pya m’Bhibhlya pyakuti pinatiphedza:

• 1Am 11:1-6, 9-11—Yahova aipirwa kakamwe na Mambo Salomoni thangwi iye nee abvera mwambo, mbasemba akazi a madziko anango akuti ancitisa kusiya kutumikira Yahova.

• Nee 13:23-27—Ninga Yahova, Ntongi Neemiya aipirwa kakamwe pidasemba Aizraeli akazi a madziko anango akuti nee akhalambira Yahova, na thangwi ineyi, Neemiya aasandika mbaatcunyusa.

Pitsandzo pya m’Bhibhlya pyakuti pinatiphedza:

• 1Sa 25:2, 3, 14-17—Maseze Nabhale akhali wakupfuma, mbwenye iye akhali wakunentsa kakamwe na wakusowa cilemedzo, pyenepi pikhacitisa kuti akhonde kukhala mamuna wadidi kuna Abhigaili.

• Mis 21:9—Tingakhonda kusankhula mwadidi munthu wakumanga naye banja, nee tinakhala akutsandzaya nee antendere.

• Aro 7:2—Mpostolo Paulu alonga kuti nkazi angamanga banja, iye asakhala pantsi pa utongi wa mamunace wakusowa ungwiro, natenepa nkazi wandzeru asanyerezera mwadidi mbadzati kusankhula mamuna toera kumanga naye banja.

 Citsandzo ca m’Bhibhlya cakuti cinatiphedza:

• Mis 24:27—Mamuna mbadzati kumanga banja na kukhala na ana, iye asafunika kuphata basa mwaphinga kuti akhale wakukhunganyika toera kutsalakana banja.

Pitsandzo pya m’Bhibhlya pyakuti pinatiphedza:

• Rut 2:4-7, 10-12—Bhoazi adziwa kuti Rute akhali nkazi wadidi thangwi yakuona njira ikhaphata iye basa, kubva pikhalonga anthu akunyindirika thangwi ya iye, kuona kuti akhatsalakana tani anthu a pa banja yace, pontho aona kuti iye akhafuna kakamwe Yahova.

• Rut 2:8, 9, 20—Rute adziwa kuti Bhoazi akhali mamuna wadidi thangwi yakuona kukoma kwace ntima, kupasa kwace mwakudzala manja na kufuna kwace Yahova.

Pitsandzo pya m’Bhibhlya pyakuti pinatiphedza:

• Mis 5:18, 19—Njira zinango zakupangiza ufuni basi ene zathema kucitwa na anyakumanga banja.

• Nyi 1:2; 2:6—Mu ndzidzi ukhabanyirana nkumbizi na Sulamita iwo apangiza mabvero aufuni kuna unango na ndzace munjira yadidi, tayu munjira yaulukwali.

• Nyi 4:12; 8:8-10—Ntsikana Sulamita apitiriza na makhaliro ace akucena, pontho akhali wakudzitonga; iye akhali ninga munda wa maluwa akufungirwa.

 Pitsandzo pya m’Bhibhlya pyakuti pinatiphedza:

• Gen 21:8-12—Maseze Abhrahamu akhadaipirwa na pikhadalonga nkazace, Sara, mbwenye Yahova ampanga toera acite pidalonga nkazace.

• Mis 31:10, 11, 16, 28—Mamuna wandzeru wakuti ali na nkazi wadidi nkhabe kuonera pyonsene pinacita nkazace, peno kusaka madodo, mbwenye asan’nyindira mbansimba.

• Aef 5:33—Mafala a mpostolo Paulu asapangiza kuti nkazi asafuna kakamwe kudziwa kuti iye asafuniwa na mamunace.

Pitsandzo pya m’Bhibhlya pyakuti pinatiphedza:

• Mis 1:8; 1Ak 7:4—Akazi akumanga banja na amama apaswambo utongi na Mulungu mu pinthu pinango pa banja.

• 1Ak 11:3—Mpostolo Paulu alonga kuti kusiyapo Mulungu wathu Wamphambvu zonsene, Yahova, tonsene tiri pantsi pa utongi wa munthu unango.

• Ahe 13:7, 17—Mu mpingo, amuna na akazi asafunika kuphedzera na kubvera ale anatsogolera.

Citsandzo ca m’Bhibhlya cakuti cinatiphedza:

• Gen 18:12; 1Pe 3:5, 6—Sara akhalemedza kakamwe mamunace, pontho iye akhancemera “mbuya,” ngakhale muntima mwace.

Pitsandzo pya m’Bhibhlya pyakuti pinatiphedza:

• Gen 24:62-67—Rabheka aphedza mamunace, Izaki, toera kugumana cibalangazo pidafa mai wace.

• 1Sa 25:14-24, 32-38—Abhigaili akwanisa kutsidzikiza mamunace wakusowa ndzeru na anthu onsene a panyumba pace thangwi mwakucepeseka iye aphemba Dhavidhi toera aabvere ntsisi.

• Est 4:6-17; 5:1-8; 7:1-6; 8:3-6—Nyanyi Esteri aenda kawiri kalonga na mamunace wakuti akhali mambo nee kucemerwa, mbadembetera toera mbumba ya Mulungu itsidzikizwe, mbwenye pyenepi pikhaikha umaso wace pangozwi.