Pitsandzo pya m’Bhibhlya pyakuti pinatiphedza:

• 1Am 19:1-18—Mu ndzidzi ukhatcingwa mprofeta Eliya, iye apanga Yahova pyonsene pikhancitikira, natenepa iye abalangazwa, pontho awangiswa.

• Mab 7:9-15—Zuze atcingwa na abale ace, mbwenye Yahova apitiriza kukhala wakukhulupirika kuna iye; ndi thangwi yace Yahova ampulumusa, pontho aphatisira iye toera kupulumusa anthu a pabanja pace.

Pitsandzo pya m’Bhibhlya pyakuti pinatiphedza:

• 2Am 18:17-35—Rabhisake, nkwati mphangwa wa mambo wa ku Sirya, atikana Yahova, pontho asingirira mbumba ya mu Yerusalemu.

• Luk 22:63-65; 23:35-37—Yezu atikanwa, pontho asingirirwa mu ndzidzi udamangwa iye na ukhali iye pamuti wakusikimizira.

 Pitsandzo pya m’Bhibhlya pyakuti pinatiphedza:

• Mab 7:57–8:1—Pikhali nyakupfundza Estevau cifupi na kuphiwa na mwinji ukulu wa anthu, iye aphemba Mulungu toera abvere ntsisi ale akhan’tcinga kuphatanizambo Saulu wa ku Tarso.

• Mab 16:22-34—Maseze mpostolo Paulu akhadamenywa kakamwe, pontho akhadamangirwa pamuti, iye abvera ntsisi nyakuonera kaidi; na thangwi ineyi nyakuonera kaidi pabodzi na banja yace yonsene adzakhala Akristu.

Pitsandzo pya m’Bhibhlya pyakuti pinatiphedza:

• 2Kr 32:1-22—Pikhathuswa Mambo wakukhulupirika Ezekiya na anyankhondo a Mambo Senakeribhe, iye anyindira Yahova, pontho awangisa mbumba, na thangwi ineyi iye apaswa nkhombo zizinji.

• Ahe 12:1-3—Anyamalwa a Yezu ayesera kumpasa manyadzo, mbwenye iye nee atawirisa kuti pyenepi pincitise kubwerera nduli.

Pitsandzo pya m’Bhibhlya pyakuti pinatiphedza:

• Yob 1:6-22; 2:1-10—Yobe nee akhadziwa kuti akhali Sathani akhancitisa kuti athabuke; ngakhale tenepo, iye apitiriza kukhala wakukhulupirika kuna Yahova mbapangiza kuti Sathani akhali wauthambi, pontho apasa mbiri Mulungu.

• Dha 1:6, 7; 3:8-30—Ananiya, Mizaeli na Azariya (Sadhrake, Mezaki na Abhedhinego) akuti akhali akukhulupirika, akhali dzololo toera kufa, mbuto mwakukhonda bvera Yahova; na thangwi ineyi Mambo Nabhukodhonozore wakuti akhalambira alungu authambi apasa mbiri Yahova.

 Pitsandzo pya m’Bhibhlya pyakuti pinatiphedza:

• Mab 11:19-21—Akristu adamwazika thangwi yakutcingwa apitiriza kumwaza mphangwa m’mbuto zizinji.

• Afi 1:12, 13 — Mpostolo Paulu atsandzaya kakamwe pidadziwa iye kuti kuikhwa kwace nkaidi kwaphedza anthu azinji toera kupfundza mphangwa zadidi.

Pitsandzo pya m’Bhibhlya pyakuti pinatiphedza:

• Mab 19:24-29—Ku Efeso, anyakucita madzimunthu akhanyerezera kuti mphangwa zikhamwaza Akristu mbazidapingiza malonda awo, na thangwi ineyi iwo atoma kuatcinga.

• Aga 1:13, 14—Mbadzati kukhala Nkristu, Paulu (Saulu) akhatcinga mpingo wa Mulungu thangwi ya kukhulupira kwace uphemberi Waciyuda.