Citsandzo ca m’Bhibhlya cakuti cinatiphedza:

• Luk 9:46-48—Yezu asandika apostolo ace pidadzindikira iye kuti iwo akhafuna cidzo.

Pitsandzo pya m’Bhibhlya pyakuti pinatiphedza:

• Gen 6:5-7—Uipi ukhali m’mitima ya anthu waacitisa kucita uphanga, pontho pyenepi pyacitisa kuti Mulungu afudze dziko na Madzi Makulu.

• 1Am 11:1-10—Mambo Salomoni nee atsidzikiza ntima wace, iye asemba akazi a madzindza anango, pontho akazi anewa apeusa ntima wace mbasiya kulambira Yahova.

• Mar 7:18-23—Yezu alonga kuti ntima ndi unacitisa munthu kukhala wakuipa pamaso pa Mulungu.

Citsandzo ca m’Bhibhlya cakuti cinatiphedza:

• Aef 6:14-18; 1At 5:8—Mpostolo Paulu pidalonga iye thangwi ya pida pyauzimu, alonga kuti ulungami, cikhulupiro na ufuni unakwanisa kutsidzikiza ntima wathu wakuphiphirisa ninga cakutsidzikiza naco diti cakuti cisatsidzikiza ntima.

Pitsandzo pya m’Bhibhlya pyakuti pinatiphedza:

• 2Kr 25:1, 2, 17-27—Mu ndzidzi ungasi, mambo Amaziya acita pinthu pyadidi pamaso pa Yahova, mbwenye tayu na ntima onsene; thangwi mukupita kwa ndzidzi akhala wakudzikuza na wakukhonda khulupirika mbaona nyatwa thangwi ya pyenepi.

• Mat 7:17-20—Yezu apangiza kuti ninga muti wakuipa usabalambo misapo yakuipa; ntima wakuipa usatsogolera munthu toera kucita pinthu pyakuipa.

Pitsandzo pya m’Bhibhlya pyakuti pinatiphedza:

• 2Am 20:1-6—Mambo Ezekiya akhadatumikira Yahova na ntima onsene; na thangwi ineyi, pikhafuna iye kufa, adembetera Yahova toera ambvere ntsisi.

• Mat 21:28-32—Na nsangani unoyu, Yezu apangiza kuti makhaliro a muntima asapangizwa na pinacita munthu tayu pinalonga iye.

 Pitsandzo pya m’Bhibhlya pyakuti pinatiphedza:

• 1Sa 16:1-13—Mprofeta Samweli apfundza kuti Yahova nkhabe nyengezeka na maonekero a kunja; mbwenye Iye asaona ntima wa munthu.

• 2Kr 6:28-31—Phembero idacita mambo Salomoni pakupereka templo kuna Mulungu isapangiza kuti Yahova asatitsalakana mwadidi thangwi iye asadziwa mitima yathu.