Pitsandzo pya m’Bhibhlya pyakuti pinatiphedza:

• 1Sa 15:3, 9-23—Pidasandikwa iye na mprofeta Samweli, mambo Sauli ayesera kutsidzikizika mbakhonda uphungu, na thangwi ineyi akhondwa na Yahova.

• 2Kr 25:14-16, 27—Pidapaswa Mambo Amaziya uphungu na mprofeta wa Yahova toera kusasanyira madawo ace mbaukhonda, iye asiya kukhala wakutawirika kuna Yahova, pontho aluza citsidzikizo cace.

Citsandzo ca m’Bhibhlya cakuti cinatiphedza:

• 3Ju 9, 10—Mpostolo Juwau wakuti akhali wakugwesera, asandika Dhiyotrefe thangwi iye nee akhalemedza ale akhatsogolera mu mpingo Wacikristu.

Pitsandzo pya m’Bhibhlya pyakuti pinatiphedza:

• 1Sa 23:16-18—Mambo Dhavidhi abvera, pontho awangiswa na uphungu wa Yonatani wakuti akhadasiyana naye pyaka 30 pyakubalwa.

• 1Am 12:1-17—Mambo Robhoamu athabuka kakamwe thangwi yakukhonda kubvera uphungu udapaswa iye na amuna akulu mbabvera uphungu udapswa iye na aphale andzace.

Pitsandzo pya m’Bhibhlya pyakuti pinatiphedza:

• 1Sa 25:14-35—Uphungu udapereka Abhigaili kuna Mambo Dhavidhi wapulumusa anthu azinji, pontho wam’phedza toera akhonde kukhala na mulando wa ciropa.

• 2Sa 20:15-22—Nkazi waudziwisi wa mu nzinda wa Abheli apulumusa nzinda onsene thangwi ya uphungu udapereka iye.

• 2Am 5:1-14—Thangwi ya ciphedzo ca ntsikana wang’ono wa ku Izraeli, nyankhondo wamphambvu adziwa kuti mbadawangiswa tani utenda wace wa matanya.

Pitsandzo pya m’Bhibhlya pyakuti pinatiphedza:

• 1Kr 10:13, 14—M’mbuto mwakusaka ciphedzo ca Yahova, Mambo Sauli asaka ciphedzo ca ng’anga wankazi, pontho iye afa thangwi yakukhonda kwace kukhala wakukhulupirika.

• 2Kr 22:2-5, 9—Mambo Akaziya afa thangwi yakusankhula aphungu akuipa.

• Yob 21:7, 14-16—Yobe akhakhonda maonero a anthu akuti nee akhalemedza Yahova.

Pitsandzo pya m’Bhibhlya pyakuti pinatiphedza:

• 1Sa 1:9-16—Thangwi yakunyerezera kuti nkazi wakukhulupirika Yana akhadaledzera, Nyantsembe Wankulu Eli ampasa uphungu wamphambvu mbadzati kudziwa pyonsene pidacitika.

• Mat 16:21-23—Thangwi yakukhonda kudziwa pyonsene pikhacitika, mpostolo Pedhru apanga Yezu toera acite pikhafuna Sathani, m’mbuto mwakucita pikhafuna Yahova.

Pitsandzo pya m’Bhibhlya pyakuti pinatiphedza:

• Eks 3:13-18—Mprofeta Mose abvundza Yahova kuti ndi ipi njira yadidi yakutawira mibvundzo yakuti Aizraeli mbadaicita.

• 1Am 3:5-12—M’mbuto mwakunyindira maluso ace, Mambo Salomoni wakuti akhali m’phale, aphemba udziwisi wa Yahova, pontho Yahova ampasa nkhombo.

Pitsandzo pya m’Bhibhlya pyakuti pinatiphedza:

• Mat 4:1-11—Pidayeserwa iye na Sathani, Yezu nee antawira mwakubverana na udziwisi wace, mbwenye aphatisira Mafala a Mulungu.

• Ju 12:49, 50—Yezu alonga kuti pyonsene pikhapfundzisa iye pikhabuluka kuna Babace. Ndi pyenepi pinafunikambo ife kucita.

Pitsandzo pya m’Bhibhlya pyakuti pinatiphedza:

• 2Kr 19:2, 3—Yahova aphatisira mprofeta toera kusandika Mambo Yosafate, buluka penepo iye ansimba thangwi ya pinthu pyadidi pikhadacita iye.

• Apo 2:1-4, 8, 9, 12-14, 18-20—Yezu asimba mipingo mingasi mbadzati kuipasa uphungu.

 Citsandzo ca m’Bhibhlya cakuti cinatiphedza:

• Mat 18:23-35—Yezu alonga nsangani wakufunika kakamwe toera kupangiza kuti thangwi yanji tisafunika kukhala akulekerera.

Pitsandzo pya m’Bhibhlya pyakuti pinatiphedza:

• 1Sa 15:23-29—Mprofeta Samweli akhonda kuthuswa na Mambo Sauli.

• 1Am 22:19-28—Mwakukhonda tsalakana kuthuswa na kutsalakanwa mwakuipa, mprofeta Mikeya akhonda kucinja mphangwa za cenjezo zikhafuna iye kupanga Mambo Akabu.

Pitsandzo pya m’Bhibhlya pyakuti pinatiphedza:

• Luk 22:31-34—Yezu akhali na cinyindiro cakuti mpostolo Pedhru, maseze akhadacita madodo makulu, mbwenye mbadakwanisa kuwangisa anango.

• Fil 21—Mpostolo Paulu apanga Filemoni kuti iye akhali na cinyindiro cakuti mbadabvera uphungu wace wakuti ukhabverana na cifuniro ca Mulungu.