KHUNDU 9
Kodi Paradizu Inabwera Lini?
Nyatwa zinaoneka mu dziko yonsene yapantsi zisapangiza kuti Umambo wa Mulungu uli cifupi na kubweresa paradizu. Luka 21:10, 11; 2 Timoti 3:1-5
Bhibhlya yalonga kale pinthu pizinji pyakuti pisacitika mu ndzidzi wathu. Iyo yalonga kuti anthu mbadakhala akufuna kobiri, akukhonda bvera anyakubala, aukali, na akufuna tsenzo.
Bhibhlya yalongambo kuti mbapadaoneka piteketeke pikulu, nkhondo, kucepa kwa pyakudya na matenda akuthimizirika kakamwe. Pinthu pyenepi pikucitika mu ndzidzi wathu.
Yezu alongambo kuti mphangwa zadidi za Umambo mbizidamwazwa mu dziko yonsene yapantsi.—Mateo 24:14.
Umambo wa Mulungu unadzabulusa uipi onsene. 2 Pedro 3:13
Mwakukhonda dembuka Yahova anadzafudza anthu onsene akuipa.
Sathani pabodzi na mademonyo ace anadzatcinyuswa.
Anthu onsene anabvera Mulungu anadzapulumuka mbakhala mu dziko ipswa yakulungama, yakuti anthu nkhabe kudzagopa. Mu dziko ineyi anthu onsene anadzakhala akunyindirana unango na nzace.
Panango Munakomerwa Kudziwa Ipi
MABUKHU & MABRUXURA
Kodi Umambo wa Mulungu Ninji?
Mbali pa dziko yapantsi, Yezu apangiza mwanyapantsi pinthu pyakuti pinadzacitwa na Umambo wa Mulungu.
MABUKHU & MABRUXURA
Kodi Nyatwa Zinadzamala?
Bhibhlya isalonga kuti Mulungu asaida kusowa ulungami na asatsalakana mwadidi anthu. Pyenepi pisabvekanji kwa imwe?
