Yezu alonga kuti anthu a mitima yadidi angabva undimomwene anaudzindikira. (Juw. 10:4, 27) Natenepa tingalonga na anthu, tisafunika kuapanga undimomwene wakukhonda nentsa unagumanika m’Bhibhlya. Yeserani kucita mbvundzo ninga uyu toera kutomesa makani: “Kodi imwe musadziwa kuti . . . ?” peno “Kodi imwe mukhadabva kale kuti . . . ?” Buluka penepo lerini lemba peno malemba anabverana na mbvundzo unoyu. Tingacedza na anthu thangwi ya Bhibhlya, ife tikubzwala mbeu ya undimomwene m’mitima yawo, pontho Mulungu anakwanisa kukulisa mbeu ineyi!—1 Akor. 3:6, 7.

•  Ntsogolo

•  Banja

•  Mulungu

•  Phembero

•  Yezu

•  Umambo wa Mulungu

•  Nyatwa

•  Kufa

•  Uphemberi

 NTSOGOLO

1. 1. Makhaliro a anthu na pinthu pinacitika pisapangiza kuti kumala kwa makhaliro a dziko kuli dhuzi.—Mat. 24:3, 7, 8; Luka 21:10, 11; 2 Tim. 3:1-5.

2. 2. Dziko yapantsi cipo inafudzwa.—Mas. 104:5; Ekle. 1:4.

3. 3. Dziko yapantsi inadzakhala paraizu.—Iza. 35:1, 2; Apok. 11:18.

4. 4. Anthu onsene anadzakhala na ungumi wadidi.—Iza. 33:24; 35:5, 6.

5. 5. Imwe munakwanisa kukhala kwenda na kwenda pa dziko yapantsi.—Mas. 37:29; Mat. 5:5.

 BANJA

1. 6. Mamuna asafunika “kufuna nkazace ninga munafunikira iye ekhene.”—Aef. 5:33; Akol. 3:19.

2. 7. Nkazi asafunika kulemedza kakamwe mamunace.—Aef. 5:33; Akol. 3:18.

3. 8. Mamuna na nkazi asafunika kukhala akukhulupirika kuna unango na ndzace.—Mal. 2:16; Mat. 19:4-6, 9; Aheb. 13:4.

4. 9. Ana angabvera na kulemedza anyakubalawo, pinthu pisaafambira mwadidi.—Mis. 1:8, 9; Aef. 6:1-3.

 MULUNGU

1. 10. Mulungu ali na dzina. —Mas. 83:18; Yer. 10:10.

2. 11. Mulungu asalonga na ife.—2 Tim. 3:16, 17; 2 Ped. 1:20, 21.

3. 12. Mulungu ndi waulungami na wakusowa tsankhulo.—Dheu. 10:17; Mabasa 10:34, 35.

4. 13. Mulungu asafuna kutiphedza.—Mas. 46:1; 145:18, 19.

  PHEMBERO

1. 14. Mulungu asafuna kuti ife ticite phembero kuna iye.—Mas. 62:8; 65:2; 1 Ped. 5:7.

2. 15. Bhibhlya isatipfundzisa kuti tinacita tani phembero.—Mat. 6:7-13; Luka 11:1-4.

3. 16. Ife tisafunika kucita phembero kazinji kene.—Mat. 7:7, 8; 1 Ates. 5:17.

 YEZU

1. 17. Yezu akhali mpfundzisi wankulu, pontho ndzidzi onsene uphungu wace usaphedza.—Mat. 6:14, 15, 34; 7:12.

2. 18. Yezu akhadalonga kale pinthu pinaona ife lero.—Mat. 24:3, 7, 8, 14; Luka 21:10, 11.

3. 19. Yezu ndi Mwana wa Mulungu.—Mat. 16:16; Juw. 3:16; 1 Juw. 4:15.

4. 20. Yezu nee ndi Mulungu Wamphambvu Zonsene.—Juw. 14:28; 1 Akor. 11:3.

 UMAMBO WA MULUNGU

1. 21. Umambo wa Mulungu ndi utongi wandimomwene kudzulu.—Dhan. 2:44; 7:13, 14; Mat. 6:9, 10; Apok. 11:15.

2. 22. Umambo wa Mulungu unadzapitira mbuto mautongi a anthu.—Mas. 2:7-9; Dhan. 2:44.

3. 23. Basi ene Umambo wa Mulungu ndiwo unafuna kudzamalisa nyatwa zonsene za anthu.—Mas. 37:10, 11; 46:9; Iza. 65:21-23.

 NYATWA

1. 24. Nee ndi Mulungu anacitisa kuti anthu athabuke.—Dheu. 32:4; Tiya. 1:13.

2. 25. Ndi Sathani anatonga dziko.—Luka 4:5, 6; 1 Juw. 5:19.

3. 26. Mulungu asatsukwala angakuonani mbamukathabuka.—Mas. 34:17-19; Iza. 41:10, 13.

4. 27. Thimize pano Mulungu anadzamalisa nyatwa.—Iza. 65:17; Apok. 21:3, 4.

 KUFA

1. 28. Anyakufa nkhabe dziwa cinthu; iwo nee akuthabuka.—Ekle. 9:5; Juw. 11:11-14.

2. 29. Anyakufa nkhabe kwanisa kutiphedza peno kutithabusa. —Mas. 146:4; Ekle. 9:6, 10.

3. 30. Anyakufunika athu adamala kufa anadzalamuswa.—Yobe 14:13-15; Juw. 5:28, 29; Mabasa 24:15.

4. 31. “Nkhabe kudzaonekabve kufa.”—Apok. 21:3, 4; Iza. 25:8.

 UPHEMBERI

1. 32. Nee ndi mauphemberi onsene anakomeresa Mulungu.—Yer. 7:11; Mat. 7:13, 14, 21-23.

2. 33. Mulungu asaida umpfakafaka.—Iza. 29:13; Mik. 3:11; Marko 7:6-8.

3. 34. Uphemberi wandimomwene usadzindikirwa na ufuni wandimomwene.—Mik. 4:3; Juw. 13:34, 35.