TOMESANI MAKANI
NSOLO 6
Khalani Wacipapo
Bhibhlya isalonga: “Na ciphedzo ca Mulungu wathu, ife takwanisa kukhala na cipapo toera kukumwazirani mphangwa zadidi.”—1 Ates. 2:2.
Yezu Acitanji?
1. Onani VIDHYU, peno lerini Luka 19:1-7. Buluka penepo onani mibvundzo iyi:
Tisapfundzanji na Pidacita Yezu?
2. Ife tisafunika kukhala na cipapo toera kumwaza mphangwa za Umambo kuna anthu onsene.
Towezerani Yezu
3. Nyindirani Yahova. Nzimu wa Mulungu waphedza Yezu toera kumwaza mphangwa, pontho iwo unakwanisambo kutiphedza. (Mat. 10:19, 20; Luka 4:18) Phembani Yahova toera akupaseni cipapo cakumwaza mphangwa kuna anthu anagopa imwe.—Mabasa 4:29.
4. Lekani kutonga anthu. M’midzidzi inango tinakwanisa kucalira kulonga na anthu thangwi ya mabvaliro awo, cidzo cawo, makhaliro awo peno pinthu pinakhulupira iwo. Mbwenye kumbukani:
5. Khalani wacipapo, wacilemedzo na wakucenjera. (Mat. 10:16) Khala munthu nee asafuna kubva mphangwa zadidi peno khala imwe musaona kuti nee muli wakutsidzikizika, malisani makani munjira yadidi tayu mwakuketesana.—Mis. 17:14.