PFUNDZIRO 12
Longani Mwaufuni na Mwantsisi
1 Atesalonika 2:7, 8
MUSAFUNIKA KUCITANJI: Pangizani kuti musafuna anyakubvesera anu, pontho musafuna kuaphedza.
MUNACITA TANI PYENEPI:
-
Nyerezerani anyakubvesera anu. Nyerezerani nyatwa zinatamba iwo. Yeserani kubvesesa mabvero awo.
-
Sankhulani mwadidi mafala anu. Balangazani anyakubvesera anu, pontho awangiseni. Calirani kulonga mafala akuti anaatsukwalisa, pontho lekani kulonga mwakuipa anthu akuti nkhabe kukhulupira Yahova, peno pinthu pinakhulupira iwo.
-
Pangizani citsalakano. Longani mwakukoma ntima, pontho citani majesto akuthema toera kupangiza kuti musatsalakana anyakubvesera anu. Nyerezerani mwadidi mabvero anafuna kupangiza imwe, pontho mwetulirani kazinji kene.